Sepedi - Department of Water Affairs and Forestry

OLIFANTS RIVER WATER RESOURCES DEVELOPMENT PROJECT (ORWRDP)
ENVIRONMENTAL IMPACT ASSESSMENT SUMMARY OF THE DRAFT ENVIRONMENTAL IMPACT REPORT
MORERO WA PEGO YA TSHEKATSHEKO YA GO AMEGA GA TIKOLOGO
Kgoro ya Ditaba tša Meetse le Dithokgwa e dirile Tekanyetšo ya go Amega ga Tikologo bakeng sa go
nyakišiša gore na go agwa ga matamo a magolo a meetse Nokeng ya Steelpoort le sebopego sa go
abjwa ga meetse ka bontšhi (diphaephe tša meetse, diteišene tša go pompa meetse, go leka-lekanya
matamo, dioftheiki le matanka) kua diprofenseng tša Mpumalanga le Limpopo mo Afrika Borwa e tla ba
mo go swanetšego tikologo.
Tekanyetšo ya go Amega ga Tikologo e hlomilwe ke Barerišani ba Taolo ya Tikologo ba ACER (Afrika)
le ba tša Tikologo ba CSIR (dikarolo tše di dirwago ka mokgwa wa bokgoni) le Therišano ya Zitholele le
Mekgatlo ya Golder Afrika yeo e swaraganago le dikarolo tša go tšea karolo ga batho bohle. EIA e
dirilwe go ya ka Melao ya R1182 (go etša ge o lokišitšwe), le wa R1183 (go etša ge go lokišitšwe),
R1184 le R448 yeo e gatišitšwego ka tlase ga Molao wa Pabalelo ya Tikologo (Molao wa bo-73 wa
1989). Tshepedišo ya EIA e hlaloswa ka Sengwalweng sa Tlhahlo ya EIA ka go dumelelana le melao
ye. Dikopi tša Ditlhahlo tša EIA di hwetšagala Ofising ya go Tšea Karolo ga Batho Bohle.
Dilo tše di utolotšwego tša dithuto tša ditsebi di ile tša kopanywa gomme di tšweleditšwe ka gare ga
Pego ya Tshekatsheko ya go Amega ka Tikologo (EIR).
Sengwalwa se ke Kakaretšo ya Pego ya Tshekatsheko ya go Amega ka Tikologo (EIR). Morero
wa sengwalwa se ke go bontšha batšea-karolo go se nene mabapi le dilo tše di utolotšwego tša
motheo le tekanyo ya go dira dipheto. Go bohlokwa go gopola gore EIA ga e dire phetho ya ge e
ba mošomo o swanetše go dirwa goba aowa. Go e na le moo, sengwalwa se se bontšha batho
bao ba dirago diphetho (bao ba lego matleng a taolo) le tsebišo e sepedišanago le bakeng sa go
dira diphetho tšeo di bolelwago. Bao ba lego matleng a taolo bao ba etelelago pele go EIA ke
Kgoro ya setšhaba ya Ditaba tša Tikologo le Boeti, bao ba tlago go dira diphetho le go dirišana
kudu le bao ba lego matleng ba profense.
Ge go ka kgonega gore mošomo wo o šišintšwego o dumelelwe go tšwela pele ka morago ga go fetšwa
ga EIA, leano la tša taolo ya tikologo (EMP) le tla thongwa e le gore go fetišetšwe dilo tšeo di
hweditšwego go EIA medirong e leka-lekanego bakeng sa go tsenywa thekgong ya modiro.
Kgato ka Morero
Go lemoga ditaba,
go lebiša
tlhokomelo go EIA
EIA E AKARETŠA MEHUTA E MENE YA
DIKGATO TŠE DIKGOLO
Kgato ya Tekanyetšo
ya go Amega
Dinyakišišo tše di
latelanago tša
mafelelo ao a ka bago
gona, a mabotse
goba a mabe
ii
Pego ya go Amega ka
Tikologo
Dilo tše di tiilego tše
di utolotšwego
mabapi le dinyakišišo
tša go amega
Kgato ya go Dira
Diphetho
Ditsebi le bao ba lego
matleng a taolo ba diriša
seo ba ase hweditšego
go EIA go tšea sephetho
ya ge e ba mošomo o
swanetše go tšwela pele
Seswantšho sa 1. Tekanyetšo ya go Amega ga Tikologo e akaretša mehuta e mene ya dikgato tše
dikgolo. EIA bakeng sa kago e šišintšwego ya sebopego sa ORWRDP ga bjale e Kgatong ya Pego
ya go Amega ka TIkologo.