jamhuri ya muungano wa tanzania - Ministry of Livestock and ...

Animal Production (TSAP) juu ya ushirikishaji wa sekta binafsi katika kutoa
huduma mbalimbali za mifugo.
13. Mheshimiwa Spika, kwa upande wa sekta ya uvuvi, Ilani imeelekeza
sekta hii kuwa ya kisasa zaidi na iweze kuchangia mchango mkubwa kwenye
pato la Taifa. Hivyo, Serikali imeelekezwa kutekeleza yafuatayo:-
Mapinduzi ya Uvuvi
(i) Wizara ianzishe na kuendesha vyuo vyake vya uvuvi ili iweze kuandaa
wataalam wengi wa sekta ya uvuvi kukidhi mahitaji yote yanayotakiwa
kwa ajili ya kuboresha uvuvi nchini.
Utekelezaji:
Wizara imeendelea kuimarisha vyuo vyake viwili (2) vya uvuvi vya Nyegezi
na Mbegani kwa kukarabati, kujenga miundombinu, kuongeza vifaa vya
mafunzo na wakufunzi ambapo uwezo wa vyuo hivyo wa kuchukua wanafunzi
umeongezeka kutoka wanafunzi 240 mwaka 2007/2008 hadi 500 mwaka
2010/2011.
(ii) Kuweka ulinzi madhubuti wa bahari zetu dhidi ya wavuvi haramu ikiwa ni
pamoja na kukamata vyombo vyao vya uvuvi na kuwachukulia hatua kwa
mujibu wa sheria.
Utekelezaji:
Wizara kwa kushirikiana na wadau imeendelea kusimamia matumizi endelevu
ya rasilimali za uvuvi katika bahari na maeneo mengine ya uvuvi kwa kufanya
yafuatayo:-
(a) Kufanya doria ya siku-kazi 4,962 kwenye maji, angani na nchi kavu;
(b) Kufanya mikutano ya wadau wa sekta ya uvuvi kuhusu udhibiti wa
uvuvi na biashara haramu;
(c) Kutoa elimu kwa wadau 193 kwa njia ya mikutano kuhusu elimu ya
athari za uvuvi wa mabomu na kuhamasisha ushirikiano baina ya wadau
wa sekta ya uvuvi katika kudhibiti uvuvi na biashara haramu ya uvuvi;
(d) Kununua boti za doria 16 na kuzigawa katika Halmashauri za Mkinga,
Bagamoyo, Mkuranga, Pangani na Lindi; Hifadhi za Bahari na Maeneo
Tengefu; vituo vya doria vya Tanga, Dar es Salaam, Mafia na Mtwara;
Idara ya Misitu; na
(e) Kuandaa na kurusha hewani vipindi vya redio 26 na vya luninga 6
kuhusu usimamizi na matumizi endelevu ya rasilimali za uvuvi.
10