jamhuri ya muungano wa tanzania - Ministry of Livestock and ...

nne (4), dawa aina za V-Rid lita 200 na Formalin lita 200 na kuzisambaza
kwa ajili ya kupulizia mabanda 4,135 na magari 1,970 na vizuizi 11 vya
ukaguzi vimeanzishwa katika maeneo hayo. Vilevile, wafugaji walihamasishwa
kujenga mabanda bora ya nguruwe, ambapo mabanda 3,815 yamejengwa na
kupuliziwa dawa. Pia, Wizara imechapisha mabango 1,000 na vipeperushi
5,000 kuhusu tahadhari na udhibiti wa ugonjwa huo na kuvisambaza. Pia,
Wizara ilitoa elimu kupitia vyombo vya habari.
Katika mwaka 2011/2012, Wizara itaendelea kushirikiana na Halmashauri
kutoa elimu kwa wafugaji na kudhibiti usafirishaji holela wa nguruwe na
mazao yake ili kuudhibiti ugonjwa huu ambao bado hauna tiba wala kinga.
Udhibiti wa Kupe na Magonjwa Wanayoeneza
79. Mheshimiwa Spika, magonjwa yaenezwayo na kupe yanachangia zaidi
ya asilimia 70 ya vifo vya ng’ombe vinavyotokea kila mwaka na kuleta athari
kubwa kwa afya na uzalishaji mifugo. Katika mwaka 2010/2011, Serikali
kupitia DADPs na DASIP ilikarabati majosho 30 na kujenga majosho mapya
37 (Jedwali Na. 10) na hivyo kufikisha idadi ya majosho yanayofanya kazi
1,756. Aidha, kupitia mpango wa ruzuku ya dawa za kuogesha mifugo,
Serikali ilinunua lita 109,389 za dawa ya kuogesha mifugo kwa gharama ya
shilingi bilioni 1.82 na kuzisambaza katika mikoa 21. Ruzuku inayotolewa
na Serikali ni asilimia 40 na wafugaji wananunua dawa hizo kwa asilimia 60
ya bei ya soko. Pia, kwa kushirikiana na sekta binafsi, ng’ombe 133,944
walichanjwa dhidi ya ugonjwa hatari wa Ndigana kali katika mikoa 15 ya
Arusha, Dar es Salaam, Dodoma, Iringa, Kigoma, Kilimanjaro, Lindi, Manyara,
Morogoro, Mtwara, Mwanza, Pwani, Singida, Tabora na Tanga.
Katika mwaka 2011/2012, Wizara itaendelea kushirikiana na Halmashauri
katika kuhamasisha ukarabati wa majosho na kujenga mapya na ununuzi wa
lita 80,000 za dawa ya ruzuku ya kuogesha mifugo. Pia, itanunua dozi
105,000 za chanjo ya ndigana kali kwa ajili ya kutekeleza mkakati wa
kudhibiti magonjwa yaenezwayo na kupe.
Udhibiti wa Mbung’o na Nagana
80. Mheshimiwa Spika, Ugonjwa wa Nagana unaoenezwa na Mbung’o,
mbali na kusababisha vifo pia hudumaza mifugo. Katika mwaka 2010/2011,
kazi zilizofanyika ili kukabiliana na ugonjwa huu ni kama ifuatavyo:-
(i) Kuhamasisha na kutoa elimu kwa wafugaji 196 katika Wilaya ya
Nachingwea Mkoa wa Lindi na 178 katika wilaya za Kisarawe (53),
Rufiji (29) na Bagamoyo (96) Mkoa wa Pwani kuhusu udhibiti shirikishi
wa mbung’o na ndorobo;
44