jamhuri ya muungano wa tanzania - Ministry of Livestock and ...

(b) Kutoa mafunzo ya muda mfupi na muda mrefu ambapo, wakufunzi 24
walipata mafunzo ya mbinu za ufundishaji na watano (5) wanaendelea
na mafunzo ya shahada ya uzamili;
(c) Kutoa mafunzo kwa wagani wa mifugo watarajali 1,498 ambapo, 613
wamehitimu mafunzo mwaka 2010/2011;
(d) Kutoa mafunzo kwa wataalam 32 kutoka Halmashauri za Kanda ya Kati
mikoa ya Dodoma na Singida kuhusu upangaji wa mipango shirikishi ya
ugani na mbinu ya shamba darasa; na
(e) Kuhuisha mitaala miwili (2) ya mafunzo ya mifugo kuwa mtaala
mmoja kwa ajili ya stashahada mpya ya uzalishaji na afya ya mifugo.
(x) Kuongeza na kuimarisha vituo vya uzalishaji mbegu bora za mifugo na
kuhimiza matumizi ya mbegu hizo.
Utekelezaji:
Wizara imeendelea kuimarisha vituo vya uzalishaji mbegu bora za mifugo na
huduma za uhimilishaji kwa kuimarisha Kituo cha Taifa cha Uhimilishaji –
NAIC Usa River na vituo vitano (5) vya Kanda. Aidha, vituo vipya vya Kanda
za Kusini (Lindi) na Nyanda za Juu Kusini (Mbeya) vimejengwa. Kutokana na
juhudi hizo, uhimilishaji umeongezeka kutoka ng’ombe 73,900 mwaka
2009/2010 hadi 76,800 mwaka 2010/2011.
(xi) Kuimarisha huduma za afya ya mifugo kwa kudhibiti magonjwa ya mifugo
hasa ya milipuko na uanzishwaji wa Maeneo Huru kwa Magonjwa ya
Mifugo.
Utekelezaji:
Wizara imeendelea kuimarisha huduma za afya ya mifugo na udhibiti wa
magonjwa ya milipuko kwa:-
(a) Kuchanja ng’ombe milioni 7.2 dhidi ya ugonjwa wa Homa ya Mapafu
ya Ng’ombe (CBPP);
(b) Kuendelea kutekeleza Mkakati wa Kudhibiti Ugonjwa wa Miguu na
Midomo;
(c) Kushirikiana na Halmashauri za Mikoa ya Mbeya, Iringa na Dar es
Salaam katika kudhibiti Homa ya Nguruwe ambapo dawa za kupulizia
lita 400 na mabomba sita (6) vimenunuliwa na kupelekwa kwenye
Halmashauri zilizoathirika; na
(d) Mkakati wa Kudhibiti Mafua Makali ya Ndege umeendelea kutekelezwa
ambapo Mpango wa Tahadhari na Udhibiti umeandaliwa. Hata hivyo,
ugonjwa haujaingia nchini.
8