jamhuri ya muungano wa tanzania - Ministry of Livestock and ...

(c) Kuimarisha kituo cha kutotoleshea vifaranga cha Mbegani kwa kujenga
matanki matatu (3) na mabwawa manne (4) ya kuzalisha na kufugia
samaki wa maji bahari. Vilevile, kwa upande wa maji baridi, kituo cha
ufugaji wa samaki cha Mtama kimeimarishwa kwa kujenga matanki
matano (5) ya kuhifadhia vifaranga.
(vi) Kuboresha mazao ya uvuvi kwa ajili ya kukidhi mahitaji ya soko la ndani
na nje ya nchi.
Utekelezaji:
Wizara kupitia Maabara ya Taifa ya Uthibiti wa Ubora wa Samaki Nyegezi-
Mwanza imeendelea kuhakiki usalama na ubora wa mazao ya uvuvi kwa ajili
ya soko la ndani na nje kwa kufanya uchunguzi kwa jumla ya sampuli 1,727
ili kuhakiki ubora na usalama wake. Aidha, kaguzi 2,486 zilifanyika ili kuhakiki
ubora na usalama wa mazao ya uvuvi kabla ya kusafirishwa nje ya nchi. Vile
vile, Wizara ilifanya kaguzi 620 ili kuhakiki ubora wa viwanda 28 vya
kuchakata mazao ya uvuvi na maghala 39 ya kuhifadhi mazao ya uvuvi katika
kanda za Ziwa Victoria na Pwani. Mazao ya uvuvi, viwanda na maghala
yaliyokaguliwa yalionekana kukidhi viwango vya ubora na usalama.
(vii) Kujenga mazingira ya kuvutia uwekezaji katika sekta ya uvuvi hususan
ujenzi wa viwanda vya samaki.
Utekelezaji:
Serikali imeendelea kuweka mazingira mazuri ya uwekezaji katika sekta ya
uvuvi na viwanda vya kuchakata mazao ya uvuvi kwa kutekeleza yafuatayo:
(a) Kuendelea kuondoa Kodi ya Ongezeko la Thamani kwenye zana za
uvuvi ikiwa ni pamoja na injini za kupachika na vifungashio. Katika
mwaka 2011/2012, kodi hiyo pia imeondolewa kwenye nyuzi za
kutengenezea nyavu (nylon fishing twines) na kufuta Kodi ya Zuio kwa
usafirishaji wa samaki nje ya nchi kwa kutumia ndege za nje;
(b) Kuendelea kutoza ushuru wa samaki wanaoingizwa kutoka nchi za nje
kwa Dola za Kimarekani 0.25 kwa kilo;
(c) Kuondoa mrabaha kwenye mazao yanayokuzwa kwenye maji, ambayo
ni mwani na kambamiti;
(d) Kuendelea kuboresha udhibiti wa ubora na usalama wa mazao ya uvuvi
pamoja na miundombinu;
(e) Kupitia upya Sera na Mikakati ya Uvuvi ya Mwaka 1997 kwa lengo la
kuihuisha ili iweze kukidhi mahitaji ya sasa na ya wakati ujao;
(f) Kuainisha fursa za uwekezaji katika Sekta ya Uvuvi kulingana na
mazingira ya sasa; na
12