Råstofaktiviteter og natur - og miljøhensyn i Grønland
Råstofaktiviteter og natur - og miljøhensyn i Grønland
Råstofaktiviteter og natur - og miljøhensyn i Grønland
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
pisortat akuersissuteqarnerminni anguniagaat piumasarisaallu aqqutigalugit<br />
akuerineqarsinnaasunngortillugit annikillisarneqarsinnaaput.<br />
Sunniinerit qanoq ittuunerinut ingerlassat qanoq annertutigineri<br />
apeqqutaapput. Nalunami kuultitiorfik anginngitsunnguaq pinngortitamut<br />
avatangiisinillu ikittuinnarnik annikitsuinnarnillu akornusiisinnaavoq,<br />
oliasiorfissuarli atortorpassuaqarfiusoq amerlanerungaartunik,<br />
aamma arlalippassuartigut imaannanngitsunik eqiterutiinnartunillu<br />
akornusiisinnaalluni.<br />
Pinngortitamut avatangiisinullu akornusiinerit annerpaat pilersinnaapput<br />
Kalaallit Nunaata avataani immami annertuumik oliaarluertitsisoqassagaluarpat.<br />
Taamaattup pinngortitamut avatangiisinullu<br />
sunniutai annertoorujussuussapput sivisuumillu atuuttussaallutik,<br />
sunniutigisaalu uumasoqassusianut naasoqassusianullu sunniisinnaaleratarsinnaallutik.<br />
Oliakoortoqareersimatillugu tamatuma sunniutaasa<br />
pitsaaliornissaat akiorniarnissaallu ajornakusoortorujussuupput,<br />
taamaattumillu ingerlatseqatigiiffiit peqqissutsikkut, isumannaallisaanikkut<br />
avatangiisilerinikkullu suliaat aqqutigalugu oliakoortoqarnissaata<br />
aarlerinaataa millisarniartariaqarluni.<br />
Aatsitassanik ikummatissanillu ingerlatsinerit pinngortitamik<br />
avatangiisinillu sunniineri aamma massakkut inuit allatigut ingerlatsinerisa<br />
sunniutigisartagaannut atatillugit isigisassaapput, tassami<br />
ingerlassap sunniutai aatsitassanik ikummatissanillu ingerlatsinerup<br />
sunniutaanut sakkortusaataasinnaammata, paarlattuanillu. Soorlu<br />
assersuutigalugu Kitaani timmissat ilaat piniagaanerujussuarmikkut<br />
sunnigaapput. Timissat tamakku ilaat oliakoortoqarneratigut ikilisinneqassagaluarunik<br />
siornatigutut amerlatigileriartoqqissinnaanerat<br />
piniagaaneratigut annikillisarneqassaaq.<br />
Misissueqqarnerit misissueqqissaarnerillu sunniutaat Kitaani<br />
pinngortitami avatangiisinilu ingerlassat allat, soorlu umiarsuit angallannerata,<br />
qulimiguullit ingerlaartarnerisa, kinguppanniarnerup<br />
sinerissallu qanittuani piniarnerup sunniutaannut arlalippassuartigut<br />
assingussuteqarput. Taamaattorli oliasiorferujussuarmit silaannaap<br />
akuinik gassinik silaannaap pissusianut sunniuttartunik aniatitsinerup<br />
Kalaallit Nunaata aniatitai taamaattut annertusiterujussuarsinnaavaat,<br />
aamma oliakoornerup nassatai massakkut Kitaani ingerlassat<br />
allat sunniutaannit annertunerujussuusinnaapput.<br />
Nunap ilaani pinngortitap immikkut ittumik illersorneqartariaqarfiini<br />
aatsitassanik ikummatissanillu ingerlatsinerit eqqarsaatigalugit<br />
salliutillugit iliuusissatut makku siunnersuutigineqarput: Ilisimasat<br />
ullumikkornit annertunerujussuusariaqarput. Ingerlatsinerup misissueqqaarnermiit<br />
piiaanermut kiisalu atortut peerneqarnerannut iluunngarmi<br />
avatangiisinut sunniutigisinnaasai nalilersorneqartariaqarput<br />
(EIA), kiisalu aamma nunat sananeqaataat pillugit paasissutissaanik<br />
katersueriaaseq GIS atorlugu sakkussamik qarasaasiatigoortumik<br />
pilersitsisoqartariaqarpoq, tassuuna pinngortitamik illersuiniarnikkut<br />
soqutigisat aamma aatsitassanik ikummatissanillu ingerlatsinerit<br />
sunniutaat, sumiiffiillu tamatumani pineqartut pisortanit<br />
aqunneqarnerat imminnut ataqatigiissarneqassammata.<br />
Pinngortitami uumasut illersorniarlugit ingerlatsineq pisinnaavoq<br />
uumasoqarfinnik illersuiffiusussamik (’hot-spots’) misiligutitut<br />
9
Change language