Anhang Interviews

ektashi në kohën që ishin duke ecur në një rrugë në Detroid i ndalon një njeri me makinë
duke i pyetur nëse ata ishin shqiptarë? Të çuditur prifti ortodoks dhe babai bektashi pyesin
se si i njohu ky i panjohur. I panjohuri u përgjigjet, sepse vetëm në Shqipëri është e mundur
që një prift ortodoks dhe një baba bektashi të rrinë bashkë.
12. Sipas mendimit tuaj, si do të ndikojë regjistrimi më i ri i popullsisë në bazë të
përkatësisë fetare në marrëdhëniet ndërfetare në Shqipëri?
Në kuptimin e regjistrimit si çdo lloj vendi tjetër, patjetër na duhen disa statistika. Madje dhe
ne si kishë na pyesin vazhdimisht se sa përqind janë ortodoksë, se sa familje ortodokse ka
në Shqipëri, çfarë numrash ne kemi etj. Njerëzit duan ta dinë këtë, duan të kenë një orientim.
Patjetër që ekzistojnë statistika, por ato janë të para Luftës së Dytë Botërore. Është normale
të bëhet një regjistrim i popullsisë edhe mbi bazën fetare, kryesisht për të dhëna statistikore
dhe nuk ka asgjë të keqe në këtë mes. Statistikat kanë disa të mira jo vetëm informimi, por
edhe reflektimi, sepse janë si një lloj skaneri, le te themi. Shpeshherë ne shkojmë të
diagnostifikohemi, edhe pse mund të mos ndjejmë gjë, por thjesht për të ditur gjendjen si
jemi. Pastaj në bazë të rezultateve secili bën analizën përkatëse, çdo grup, çdo vend, shteti,
gjithashtu dhe ne si besimtarë dhe si organizma fetare.
Të shpresojmë të jetë një regjistrim i plotë e i rregullt, pa problematika, ku të pasqyrohen
drejtë qëndrimet e njerëzve mbi besimin.
16