Anhang Interviews

11. Sipas mendimit tuaj, në procesin e integrimit të vendit në Bashkimin Evropian,
cili do të ishte kontributi më i madh i Shqipërisë për Komunitetin Evropian?
Ne i përkasim jo vetëm gjeografikisht por edhe kulturalisht Evropës, por kemi një identitet
dhe kulturë të veçantë, e cila është shënjuar nga historia jonë unike në Evropë. Ndoshta ajo
që mund të kontribuojmë më tepër në Komunitetin Evropian mund të jetë vërtet aspekti i
harmonisë ndërfetare në një Evropë që për shkak të imigrimit po bëhet sa gjithmonë e më
tepër heterogjene në anën demografike dhe kulturore.
12. Pranimi dhe toleranca fetare janë një fakt real dhe kontribut i mundshëm për
Bashkimin Evropian apo sipas disa kritikëve vetëm një mit i shqiptarëve?
Për mua është një fakt real, nuk do të doja t’i fryja këtij zjarri, pasi unë e dua vendin tim dhe
nuk dua të hedh hije dyshimi mbi diçka që qëndron dhe është më mirë të forcohet sesa të
dobësohet.
13. Sipas mendimit tuaj, si do të ndikojë regjistrimi më i ri i popullsisë në bazë të
përkatësisë fetare në marrëdhëniet ndërfetare në Shqipëri?
Nuk besoj se ky regjistrim do ndikojë në marrëdhëniet ndërfetare, pasi secili komunitet ka
shifra të vetat apo sondazhe për besimtarët e vet.
Personalisht nuk më duket i nevojshëm dhe dyshoj se do t’i përgjigjet realitetit në lidhje me
përkatësinë fetare. Nga njëra anë, janë një pjesë e madhe jo praktikuesish, që ndonëse të
tille, do të donin të zgjidhnin një fe, më mirë sesa të zgjidhnin ateist. Siç mund të ketë edhe
më shumë ateistë seç pritet.
30