14. Dezember 2021

14. Dezember 2021
Quartier
9
WEIHNACHTSGRÜSSE AUF MUNDART
Bärndütschi Stimmig ir Baragge
Won i ggläse ha, dass d
Caroline Prato vo der Reformierte
Chirchgmeind wider e
bärndütschen Aabe moderiert,
bin i nid nume ggange, wiu i
gärn Mundart ghöre. I bi o
gwunderig gsy, wär sech aus
für settigi Aaläss intressiert.
Ir Baragge – ja so heisst bekanntlech
ds Quartierzäntrum a der Mäderguetstrasse
– het d Sämi Kobel
auergatig bärndütschi Gschichte
vorgläse. Nid zum erste Mal. Si
versteits, de Täxte Farb z gä, so
dass me sech d Situazione schön
cha vorschteue, aber si list o zwüsche
de Zyle u lachet bi jeder Pointe
säuber gredi use. U mängisch
muess si de Jüngere im Publikum
es Wörtli erkläre, zum Byschpiu
«Gagufängerhose». So heisst e
Gschicht vom Ruedi Straub.
Ungerem harmlose Titu «Versicherig»
vom Pedro Lenz geits um
D Sämi (Martha) Kobel het zwöuf
Gschichte vorgläse. Aui hochschpannend.
Da isch es müxlistiu gsi i der Baragge.
e würklech witzig Dialog mit eren
Isabell, wo eine zwöi auti Schätzeli
verwächslet. Si heisst eigentlech
Sandra. Da het ds Publikum ganz
schön müesse lache. Ds Churzfueter
isch sowiso guet aacho. Zum
Bischpiu ds Gedicht «Gonfitüre ar
Türfaue» vom Fritz Widmer. Da
geits um d Türfaue, wo einisch suber
u glänzig wird sy, we di chlyni
Hand nümme da isch.
Zwüschine hei d Olga u d Rosanna
Albisetti ihri Örgeli uspackt u
zäme mit der Paula Mühlethaler
am Cello u der Flavia Eichenberger
ar Klarinette fröhlech musiziert.
Eigeti Komposizione, Irisches
und de am Schluss no «Luegit
vo Bärgen u Tal». Da hei aui
chönne mitsinge.
Aui? Zwo Froue mit Chopftüecher
si mer im Publikum ufgfaue. Es si
jungi Müetere, d Lamis us Algerie
u d Amany us Ägypte, wo hie sitze.
Ungerenang rede si hocharabisch,
d Lamis cha chli französisch.
Ihri Ching gö jitz z Bümpliz
i d Schueu, lehre Dütsch u rede
bärndütsch mit de Kumpels. Da
hei d Müetere beschlosse: das wei
mir o chönne. Drum bsueche si
jitz zämen e Dütschkurs. U göh o a
ne Bärndütsch-Aabe, wo si haut
no nid ganz aues verstöh. Chapeau,
mesdames!
De wäre no z erwähne d Julia Degelo,
e jungi, rotzfrächi Schribere,
u d Stefanie Christ, en erfahreni
Outorin u Kolumnistin. Beidi hei
eigeti, ganz nöji Täxte vorgläse. I
ha se gfragt, öb si öppis würde
schrybe für d BümplizWuche. Si
hei gnickt. Mir bringe s de i eire
vo de nächste Nummere.
Marc de Roche
Liebi Läserinne, liebi Läser
Kennet dihr das Gfüeu, wes eim eifach
rundume wou isch? Sit es paar
Monet stouperen i immer wieder
über das Wort «Hygge». Das isch Dänisch
u beschrybt genau das Gfüeu
vo unbeschwärte, glückleche Momänte.
Aber warum in e Frömdsprach
abdrifte? Mir hei doch im
Bärndütsche o ganz e wunderbari
Bezeichnig derfür, nämlech «heimelig».
Wen i das Wort ghöre, wird’s
mir ganz warm um ds Härz. «Heimelig»!
Da isch der schön Begriff
«Heim» drin versteckt. Daheime si,
sech wou füele, sech öppis Guets
gönne, das u no viu meh umschrybt
für mi das bsungere Wort. I bin e sogenannti
Herbscht- u Winterfrou,
das heisst, i has gärn gmüetlech u
kuschelig. Was gyts Schöners, aus
am ne Chemineefüür oder bi Cherzeschyn
es warms Tee z drinke u
derzue im ene guete Buech z schnöigge.
So ne entspannti gmüetlechi
Me seit
Was macht de der Morò ir Zuekunft? «I
starte mit emene Food-Truck, choche
früschi Pasta u biete se u der Strass a.»
Da si mir ja gspannt. Viu Erfoug, Morò!
Hie zwöi sinnigi Strophe usemene
bärndütsche Song vom Leadsänger
Morò, wo vor zwänzg
Jahr z Bümpliz d Bänd FSG (Fusion
Square Garden) gründet
het. Si höre jitz uf, nach vile erfougriche
Uftritte mit Reggae,
Öppis Gfröits: e richtig gmüetleche
Winterabe am Cheminee.
Atmosphäre isch doch für e ganz
Körper u vor auem für ds Härz reine
Seelebausam. Dihr gseht, i fröie mi
uf di länge Winteraabe, won i mi daheime
i auer Rue cha ykuschele.
Heid dihr emänd ou son es Lieblingswort,
wo i öiem Chopf schöni
Momänte lat la aaklinge? De verzeuet
üs dervo, löt us la teilha a öine Gedanke
u Stimmige. I wünschen öich
e farbefrohi Winterzyt mit heimelige
u gfröite Stunde.Ursula Stalder-Witschi
Rock u HipHop. Sini bärndütsche
Täxte si immer no aktuell.
Läset säuber:
Me seit es sig z spät. Me seit es sig ds
Läbe.Me seit, was mer früecher oder
später sowieso wärde wüsse.Me
seits o wemes säuber nid weiss... U
mir vergässe, dass jede Tag am Morge
d Sunne wieder ufgeit... U jede
weiss, sie geit uf. U glych vergässe
mer, dass jede Tag am Morge d Sunne
wieder ufgeit... U jede weiss
es.Me seit es sig dr Louf. Me seit es
sig haut so. U o wemer wüsse, dass
o dies nid wüsse wos säge. Me seits
o wemes säuber nid weiss... U mir
vergässe, dass jede Tag am Morge d
Sunne wieder ufgeit... U jede weiss,
sie geit uf. U i vertroue druf, dass
jede Tag am Morge d Sunne wieder
ufgeit... U jede weiss, sie geit uf!
Wir wünschen Ihnen und Ihren Liebsten
frohe Festtage und «es guets Nöis».
mobiliar.ch
Agentur Bern-Bümpliz
Rehhagstrasse 2, 3018 Bern-Bümpliz
T 031 998 52 52, bern-west@mobiliar.ch
1231746