Ausgabe 04/11 - Oberthal
Ausgabe 04/11 - Oberthal
Ausgabe 04/11 - Oberthal
Sie wollen auch ein ePaper? Erhöhen Sie die Reichweite Ihrer Titel.
YUMPU macht aus Druck-PDFs automatisch weboptimierte ePaper, die Google liebt.
Schule und Kindergarten | Juli 20<strong>11</strong><br />
A ehemaligi Oberthauere<br />
luegt z'rugg<br />
Trudi Zurflüh, ehemals Schwanden, <strong>Oberthal</strong> lebt heute in einer Seniorenwohnung<br />
in Langnau. Sie besuchte die Schule von 1932 bis 1941.<br />
Die Redaktion dankt der Verfasserin ganz herzlich für das Gedicht.<br />
Vor kurzem hani ds Oberthu Blettli übercho<br />
Äs het mi ume sehr wunger gno<br />
I tue mi geng no inträssiere<br />
Was im Oberthu geit, u tuet passiere<br />
D’Schülerfoto tüe mi bsungersch inträssiere<br />
I tue di Gsichtli vergliche u studiere<br />
d’Näme simer frömd vorcho<br />
Hans, Aernscht u Fritz si drum us dr Mode cho<br />
Bis vor sibezg Jahr ha ig o im Oberthu d’Schuelbank drückt<br />
Drum luegeni o no gärn zrügg<br />
Bi Fankhuser, Gassner u Pulver si mer ungerrichtet worde<br />
Sicher no mit ganz angere Metode<br />
Läse, Rächne u Schriebe isch’s Hauptfach gsi<br />
Religion Natur u Geografie no näbe bi<br />
Schuelhusabwart het’s no kene gä<br />
Mir hei aui sälber dr Bäse müesse i d’Finger näh<br />
Wemer öppis vergässe hei gha<br />
Oder süsch öppis nid guet isch gsi<br />
het äs Strafpunkt gä<br />
Mit feuf Punkt bisch de bim Strafwüsche drbi!<br />
Für d’s Exame het me äs nois Schürzli übercho<br />
I frag mi no hüt worum doch o<br />
äs isch denn ja numme d’Schuelkommission ads Exame cho<br />
dr Gmeinskassier isch cho dr Examebatze uszahle<br />
mir hätte fasch chönne prahle<br />
zäh Rappe u jedes Jahr meh<br />
ir nünte Klass hets grad äs Fränkli gä<br />
d’s Zügnis hets drümal gä im Jahr<br />
vieli Einer hät me gärn gha, das isch klar<br />
i dä drissger Jahr isch du di Benotig vorbi<br />
6 isch du plötzlich di beschti Note gsi<br />
Schuelreisli hei mer aui zwoi Jahr eis gmacht<br />
I de ungrade Jahr dafür äs Schuelfescht i dr Eintracht<br />
I’r nünte Klass hei d’Meitschi ds Zäzi lehre choche<br />
Nachhär isch me uf Bowil gloffe<br />
Mit dä Bowiler zäme hei mer Ungerwisig gha<br />
Dr Pfarrer Courant het is guet im Zoum gha<br />
Na dr Konfirmation isch me i d’s Läbe use träte<br />
Ä Bruef lehre hei mer nid chönne, wi mär gärn hätte<br />
Dennzumal isch dr 2. Wältchrieg gsi<br />
U üsi Hilf daheim isch dringend nötig gsi<br />
Schuelferie si am Wätter a passt gsi<br />
Da isch ke Ferieplan vorhande gsi<br />
mir hei aui müesse häufe Heue<br />
da isch ke Zyt gsi für ds Löie<br />
mängisch het es Daheim gheisse morn sötte mehr bache<br />
gang reich hurti ir Mühli Hebi für 30 Rappe<br />
so isch mi Schuelzyt vorbi<br />
i cha säge äs isch trotz allem a schöni Zyt gsi<br />
19