Genero, nazio eta nazio hezkuntza: ikastoletako ... - Euskara

atzuek, Afrikako edo Amerikako talde isolaturik jakin ez). Estatua, boterezko
egitate bat da dagokion lurralde mugatuan, gutxi gorabehera, subiranoa eta
independentea, eta botere hori, gizarte konplexu eta urbano batean ezartzen delarik
gehien ezaugarritzen duen itxurapean ageriz.
Nazio kulturala, herri baten existentziaren emaitza da-ethnos, etnia, Volk tribu
kultural zentzuan- portaera eta adierazpen moduetan, ideologia eta baloreetan
objektiboak eta behagarriak diren ezaugarri komunekin; jatorrizko komunitate gisa
desberdina, ezaugarri bereizgarrien sortze epea komunikaziozko espazio propio
batean gauzatu deneko zentzuan; eta gizarte konplexu eta urbano gisa garatua,
azken honen esangura izanik, hizkuntza idatziaren hedakuntza eta "kultura kultua"
ekoizten duen elite baten existentzia.
Nazio politikoa, eraginiko kontzientziazko egitate bat da, eta leialtasunezkoa ere
bai. Azken hau, borondatez, gutxi gorabehera barneratua. Fenomeno hau,
populazio kopuru bat, gizarte konplexu eta urbano itxurapean, botere/estatu
autonomo eta komuna duena -edo izan nahi duena- berea bezala ikusiriko lurralde
batean, eta bere burua bere lurraldearekin identitate/aurkakotasuna erreferentzia
handiena bezala sumatzen duelarik, existitzen da.
Hiru mailako fenomeno hauek bereiztu guran emandako definizioak lagungarriak
izateko honakoa ñabartu behar da:
a) Hiru definizioetan, eta hau bereziki garrantzitsua da fenomeno nazionala
mugatzeko, gizarte konplexu eta urbanoei buruz hitz egiten da. Hortaz, nazio hitza
esangura espezifikoa izatea nahi baldin badugu, ez dugu edozein herri edo tribu
izendatzeko erabili behar, ez dugu herria edo etniaren kontzeptu orokorretara
murriztu behar; gorde behar dugu, barne konplexutasunean eta lan-banaketa