Genero, nazio eta nazio hezkuntza: ikastoletako ... - Euskara

396 Generoa eta Euskal Hezkuntza
10.2.2.2.- Antzinakotasuna
Ikusi bezala, aurreko ataletan, euskal gizarteak bizituriko aldaketek ikastolen
mugimenduan ere euren isla izan zuten. Hori dela eta, ikastolen hasiera-
hasierako borroka gogorrean aritutakoen jarrerak, (ikastoletan 15 urte baino
gehiago daramatzatenak), legeztapen sasoian aritutakoen jarrerak,(ikastoletan
11-15 urte daramatzatenak), edota ikastola beste hezkuntza sare bezala agertu
zelarik aritu zirenen jarrerak( ikastoletan 10 urte baino gutxiago
daramatzatenak) ez dira gure ustez oso-oso antzekoak izango, alderantziz
baizik. Horrela, lehen adinarekin egiten genuen bezala honako azpihipotesiak
formula ditzakegu:
2. azpihipotesiak: ikastolan lanean zenbat eta denbora gutxiago eraman,
andereño izateko erabakian bokazio, lan edo bestelako zioek hainbat eta
eragin handiago izango dute. Ikus ditzagun gai honen inguruko datuak:
Antzinakotasuna
Ez daki/ 10 urtera 11-15 urte 15 urte
erantzun arte
gehiago
% % % %
Ez daki/ ez erantzun 6 6,1 1 1,7 2 3,2 9
Irakaskuntza atsegin zait 1 50 71 72 37 64 33 53 142
Irakaskuntza euskaraz 1 50 15 15 17 29 25 40 58
Erosoa 2 2 2
Eliminazioz 4 4 3 5 2 3 9
GUZTIRA 2 100 98 100 58 100 62 100 220
Kontuan harturik kolektiboaren gehiengoak bokazio kutsu duen erantzuna
aukeratu duela eta soilik laurden batek azpimarratu duela irakaskuntza euskaraz
izatearen garrantzia, bistakoa da gehiengo horren joera gure hipotesiaren
ideiarekin bat datorrela, alegia, zenbat eta denbora gutxien hainbat eta bokazio
zioaren eragin handiagoa andereño izateko erabakia hartzerakoan. Era berean,
gutxiengo horretan zenbat eta denbora gehien hainbat eta euskara berreskuratze
eta zabaltze irizpidearen eragin handiagoa aipatu erabakian. Goazen, orain,
aztertzera euskarazaletasunaren eragina erabaki horretan: