Genero, nazio eta nazio hezkuntza: ikastoletako ... - Euskara

Feminismoak Soziologiari egindako ekarpenak 25
Batek ikerketa-metodo bat ere ez dela ezplizitoki feminista edo antifeminista
esan dezake; ikertze-modua eta ikerketa kokaturik dagoeneko teoria, zeinaren
arabera interpretatuko baitira emaitzak, hauek bai izan daitezke irizpide
erabakiorrak ikerketa hori feministatzat edo antifeministatzat jotzeko orduan.
Feminista askok, alabaina, datuen bilketa eta hauen interpretazioa bideratzeko
erabiltzen diren metodo kuantitatiboak gaitzetsi egiten dituzte. Gaitzespen
horren oinarrian dagoen azalpena da metodo horiek zientifikotasun izaeraren
onartzen dutela eta, beren iritziz, soziologiak ez lukeela horrelakorik egin behar.
Hau da, haiek dioskunez, gizakiak objektu gisa tratatuak direla, natur
ikertzailek harriak edo kimika-gaiak ikertzen dituzten moduan, gizaki gisa
tratatu beharrean.
Ikerketa feministak Soziologiaren ikuspegi positibista horretatik aldentzeko
saioak egin ditu, ikerketak emakumearen askapenarekin nolabaiteko lotura edo
kezka izan behar duela esanez. Horrela, ikerketaren abiapuntua objektibitatea
izan beharrean subjektibitatea izango litzateke. Horren ondorioz, feminista
batzuek uste dute emakumeek, emakumeentzat eta emakumeekin izan behar
dutela ikerketa feministan arituko direnak; beste batzuen aburuz, aldiz, ikerketa
feministak gizonak eta emakumeak, biak izan behar ditu kontuan ikerketasubjektu
gisa; esplizituki errekonozituz eta aztertuz existitzen den sexu/genero
sistema ikertua den gizartean.
Harding11 idazlearen iritziz, gizonezko ikerketa korrontetik ikerketa feminista
desberdintzen duena ez da ikerketa-metodoa beste faktoreak baizik, esaterako:
- Arazoen jatorri alternatiboa, bistaraziz emakumeei, gizoneei baino gehiago
axola zaizkien arazo eta gaiak.
- Garatutako azalpen-hipotesi alternatiboak eta erabilitako datuak.
-Ikerketaren helburuak: emakumeen mundu-ikuskeren ulerkuntza erraztea eta
emakumeen askapenean zeregina izatea.
- Ikertzailearen eta ikertua denaren arteko harremanen izaera.
Horretaz gain, ikertzaile honek, metodoa, metodologia eta epistemologia
desberdindu beharra azpimarratzen du. Metodoak, datuak biltzeko teknikak
11 Harding, S. (1987b). "Introduction: is there a feminist method?, ondorengo liburutik harturiko aipua:
Abbot, P. eta C. Wallace.(1990) An introduction to Sociology. Feminist perspectives. London: Routledge.