Genero, nazio eta nazio hezkuntza: ikastoletako ... - Euskara

Feminismoak Soziologiari egindako ekarpenak 23
Ikertzaile feminista batzuek lortu dute teoria estandarrei atxikituriko susmo
hertsiak aldaraztea ere. Ekarpen horien artean dauzkagu 'lan kontzeptuaren'
inguruan egindako ñabardurak. Lana ordaindua den lanarekin identifikatua
dago, eta, honen ondorioz, emakumeek egiten duten lan gehiena baztertua da.
Ikerlari horien esanetan, lan kontzeptuaren baitan sartuko bagenitu egun
baztertuak diren lan-motak- etxekoandreen lana eta borondatezkoa- sexu biei
aplikagarriak zaizkien galdera teoriko berriak egin ahal izango lirateke.
1970.urtera arte, ikerketa feministek gizarteratze ezberdinak gizon eta emakume
helduen nortasunean duen eragina azpimarratzen zuten. Lan hauen arabera,
gizarteratze-prozesuaren desberdintzapenak sexu-rolen estereotipo
tradizionalak berrindartzen zituen. Gizarteratze desberdinarekiko kezka honek
agerian uzten zuen ikertzaile feministek plazaratu nahi zuten mezu politikoa: ez
dago gure genetan.
Denboraren poderioz, haurtzaroko eta nerabezaroko gizarteratzeari buruzko
erreferentziak gutxiagotu egin ziren, beste gai berri baten agerpenarekin batera.
Mezu berriak zera zioen: lehen sozializazioak nortasuna eragiten du, baina, aldi
berean, gizatiar nortasunak malgutasun handia dauka; hau da, aldagarria da.
Historia eta soziologiari buruzko izkribu feminista askotan, gai honen aipua
aurki dezakegu. Hauen xede zabala, emakumezko ekimenen ikusezintasuna
zuzentzea eta zapalduak egon arren, beren bizitzan eta historiaren aurrean
ekintzaileak izan zirela argitzea izango litzateke.
Epealdi honetan, idazleak emakumeen menpeko estatusa legeztatzeko
erabiltzen ziren emakume-estereotipo tradizionalen aurka aritu baziren ere,
handik aurrera estrategia defensibo hori baztertua izango da. Talde
meneratzailaren balio-sistema aldatu egiten da, balioak birdefinitu egiten dira,
emakumezkoen ezaugarri bereizgarri batzuk goraipatzen direlarik.
Nancy Chodorow7 , Jessie Bernard8 , Carol Gilligan9 eta Arlie Russell
Hochschild10 idazleen lanek arestian esandakoa baieztatzen dute.
7 Chodorow, N. (1999 ) The Reproduction of Mothering . Berkeley, University of California Pres
8 Bernard, J. (1981) The Female World .New York, Free Press
9 Gilligan, C. (1982) In a Different Voice . Cambridge MA, Harvard University Press.
10 Hoschhild. (1983) The Managed Heart. Berkeley, University of California Press.