Genero, nazio eta nazio hezkuntza: ikastoletako ... - Euskara

Feminismoak Soziologiari egindako ekarpenak 33
ikertzailearen esperientziaren baitan egon beharko lukeela. Badirudi, beraz,
hierarkiaren aurkako jarrera horren azpian hiru argudio daudela:
- Lehenengoa, etikoa: emakumeen artean harreman ez-hierarkikoak dira
legezkoak diren bakarrak.
- Bigarrena, metodologikoa: 'egia' benetako harremanen bitartez soilik lor
daiteke, hierarkiak datuen desitxuraketa baitakar.
- Azkenik, onartu beharra dago ikerketa kontzientzia handitzeko egoera batean
izaten bada, ondoren ikusiko duguna, ikertua ikerketa-prozesuan inplikaturik
egotea beharrezkoa dela.
- Ikerketa helburua eta emakumeen askapena baliotasun-irizpide gisa
Feminista askok, berauen ikerketen helburutzat ezagutza baliagarriaren
ekoizpena hartu beharrean, emakumeen askapena hartzen dute. Askotan, jarrera
horrekin batera, emakumeen zapalkuntzaren aurkako borroka 'egia' aurkitzeko
bide bakarra dela pentsatzen da.
According to ( the historical, dialectical and materialist theory of knowledge)
the 'truth' of a theory is not dependent on the application of certain
methodological principles and rules, but on its potential to orient the processes
of praxis towards progressive emancipation and humanization. 16
Ikuspegi honen arabera, ikerketa feminista, ikertzaile eta ikertua denarentzat,
bientzat, kontzientzia hartze prozesu bat da nahitaez; are gehiago, ikerketa
feminista prozesu horren arrakastaren arabera epaitua izango da. Hori dela eta,
egunerokotasunaren harian emakumeen zapalkuntzaren aurka borrokatzen ez
dutenek ezin izango dute edozein subjekturi buruz, giza ikerkuntza zientifikorik
ekoiztu, sexismoak eta androzentrismoak egiten duten guztia desitxuratua
izaten baita17 .
16 Mies, M. (1983). Towards a methodology for feminist research in Bowles and Duelli Klein(eds.),
ondorengo artikulutik harturiko aipua: Hammersley, M.. (1992)On Feminist Methodology. Sociology, 26-
2zka: 187-206 orr.
17 Gain honen inguruan ikus: Ramazanoglu, C.((1996) On Feminist methodology: male reason versus
female empowermwnt. Sociology, 1992 .26- 2. zka: 207-212 orr. eta Gelsthorpe, L. Response To Martyn
Hammersley´s paper ' on feminist methodology. Sociology, 1992. 26-2zk.a: 213-218 orr.