Genero, nazio eta nazio hezkuntza: ikastoletako ... - Euskara

Feminismoak Soziologiari egindako ekarpenak 39
Azken urte hauetan, biderkatu egin dira generoa kontuan hartzen duten lan
soziologiko enpirikoak. Baina literatura horretan gehienek ez dute generoa
kategoria sozialtzat jotzen, gizabanakoaren ezaugarritzat baizik. Antolakuntza
sozialaren printzipio gisa baino gehiago, sexu desberdintasunak adierazteko
erabili da. Bizitza soziala aldagai neurgarri batzuetara murriztean, gutxiagotu
egiten da osotasunaren zentzua, zeina harreman sozialen-generoa barneulerkuntza
teorikorako funtsezkoa baita. Generoa erabiltzen da aldagai gisa eta
ez oinarrizko kategoria teoriko gisa, hain zuzen, ikuspegi feministen
irensketaren adibiderik argiena.
c) Feminismoaren bazterketa soziologia marxistan.
Soziologian generoaren erabilera desegokia izatea ez da izan soziologia
feministaren garapena geldiarazi duen arrazoi bakarra. Soziologiaren tradizio
nagusien baitan egon den baztertze joerak badu beste arrazoi bat ere. Azken
hau,-bereziki mingotsa eta, aldi berean, harrigarria- soziologia marxistaren
baitan gertatukoari dagokio. Bertan teorizazio feminista loratu den arren,
korronte nagusitik aparte eta harengan inolako eraginik sortu gabe.
Marxismoaren eta feminismoaren arteko harremanak, feminismoak beste
paradigma soziologikoekin izan dituen harremanak baino konplexuagoak eta
kontraesankorragoak dira.
Alde batetik, marxismoaren baitan, teoria feministak 'emakumearen arazoaren'
estatus tradizionalarekin segitzen du. Beste alde batetik, feministek teoria
marxista-feminista baten corpusa sortu dute, zeinak diskurtso marxista
nagusitik at dihardun gizarte zientzietan. Oro har, esan dezakegu pentsamendu
feministak eragin gutxiago izan duela soziologia marxistan teoria
soziologikoaren ildo nagusian baino. Ekoizpen-prozesuan kokaturiko oinarrizko
kategoria marxistak; hots, lana eta gizarte-klasea( lan eta ekoizpenarekin
gizonek dituzten harremanen arabera definituta), 'rolak' edo 'sistema sozial'
kontzeptuak baino androzentrikoagoak dira.
Posible da, kategoria marxistak erabiliz, 'emakumeak aztertzea', hau da, ikergai
gisa emakumeak hartzea. Adibide bat hartuta 'etxeko lanari' buruzko eztabaida
20 Friedan, B. (1963), The Funtcionalist freeze. honako artikulu honetatik harturiko aipamena: Stacey, J.
eta Thorne, B.(1985) The Missing Feminist Revolution in Sociology. Social Problems, 32, 4.zka Apirila.