Mikeleteak eta bidelapurrak Jakintza-arloa: Historia - Euskara

Pedro Carasa Sotok 1990ean ezarritako behartsuen mailaketa ere arrakastatsua
suertatu da. Aditu honek hiru mailako egoera ikusten ditu 22:
- Txirotzeko gai direnak (“pauperizables”): Abagune okerretan pobrezia
erortzeko zorian daudenak.
- Txiroak (“pauperizados”): gizartearen neurgailuen arabera pobreak
direnak.
- Lagunduak (“asistidos”): gizartean ardura bereganatu dutenak.
Laguntza-sarean txertatua.
Dena den, laguntza ez ezik pobretuen gainean jazarpena ere erabiltzen denez,
gure ikuspuntutik laugarren maila gehitzea komenigarri litzateke: zigortuena ala
jazarpenaren baitan sartzen direnena.
Hala eta guztiz ere, ezin dugu ahaztu aroak eta gizarteak zein bide lehenetsi –
laguntzarena ala zigorrarena– baldintzatzen duela. Guri dagokigunez, ongi ulertu
beharko dugu gurean zein den bazterketari eskaintzen zaion tartea:
-Antzinako Erregimeneko Gipuzkoan zein izaten zen baztertua,
-Alboratua izateko zein bide hartzen zen,
- Honek guztiak nola eragiten zion giza-taldearen antolaketari.
Adibidez, arestian aipatu diren definizioen ildotik, lan egiteko beharrari
txirotasuna deitzea ez luke inolako emaitza berezirik izango gure Gipuzkoan. Ideia
hauek industrializaziorantz, klaseetako banaketarantz, eta abarrerantz garatzen ari
den gizarte baten isla izan daitezke, baina gure miaketaren abiapuntua izan behar
duen garaian lan egiteak ez dakar jazarpen errepresiborik, ez eta giza-bazterketarik.
Aitzitik, lan egiteak gizartean toki egoki bat lortzen laguntzen du. Hau da, lan eginez
miseria aldendu ahal da.
Horregatik, ‘lana’ azpimarratu beharrean, gakoa gizarteak eskaintzen dituen
bitartekoez baliatu ahal izatean datzala uste dugu. Gizartean betetzen den papera ez
22 Pedro CARASA SOTO: “Metodología del estudio del pauperismo en el contexto de la
revolución burguesa española”. La Historia social en España: actualidad y perspectivas: actas del I
Congreso de la Asociación de Historia Social, Zaragoza, septiembre, 1990. Madrid: Siglo XXI, 1991.
359-384.
16