HISTOIRE JOURNALIERE D'HONORAT DE VALBELLE (1498-1539 ...

L'an que desus, forron, en Provenso si grandos maladias de catares anbé febres continuas que
moriron grans gens et majorment en la cieutat d’Aixs et en si grando cantitat que lo Parlament que i
ero duptet et vengueron demorrar en Marssilha.
L'an que desus, mort lo cardinal Scanho, loqual ero frayre del signor Ludovic, autrament dit lo
Morro, que es de present presonier como avès ausit desus; et mori lodit cardinal en Romo, et sa
despuilha aguet papa Julio secondo et li forron trobas de conti cent millo ducas; podés pensar la
honte avia tant de ducas se y avia d'autros causos. Diéu li fasse mersi per sa pietat!
L'an que desus et lo redier de octobre, Jaume Ricaut, filh de Janon Ricaut que avès ausit desus sa
mort, grevat lodict Jaume Ricaut de alcuna maladia appellada manio, si me aubre la plus auto
fenestra de sa meyson devers la Ribo et d'aqui si lanset à bas subre la Ribo, et tot ronput que fon lo
porteron en sa mayson et l’endeman, que fon lo jort de, la Tossan, fon sebelit onorablament a Sanct-
Martin. Diéu li fassa pardon!
L'an que desus, lo rey d'Espanha, après la mort de sa moller regina de Castillo, intret anbé grando
armado en Barbario de miech jort, et à sa vengudo pres d’assaut Massaquibin, que es ung port de
mar assas près de Oram et aqui si es fach fort et es anat metre lo siege en Oram. Diéu li done
victorio.
L'an que desus, lo rey d'Espanha, après la mort de Ysabel, regina de Castillo, sa moller, près per
moller la filha del conte de Foys appellado Madamo ( ), per loqual mariage fon fach l’apointament
dal rialme de Naples. Diéu vuelhe que dure melhor que non n’en a de costumo!
L'an 1506, fon ung si grant ivert et si fret que lo jort de l’Aparission nevet et si très fort que en
plusors pars si trobavo tres pans et catre de nego, et que pies fon, après la nevado gellet, et si tres
fort que tot lo bestiari que si trobet en Crau tant petit que gros morit et plusors pastres anbé ellos,
causo que de vido d'ome non ero estado visto; plus dit que lo port de Marssilha gellet fins à la torre
Sanct Jehan et si très fort que los enfans jugavon de subre à la bauduffo. Los hors de Marssilha
foron tos gastas et destrus per causo de la multitut des ausels que per causo de la néu et gallado
afluiron à los hortolhalos; mais tot lo mal non fon de uno bando, car si ellos mangeron nostros
horttolalhos ellos foron manjas car non es home que soupesso nombrar la multitut des ausels que
foron pres et manjas per causo de ladicto gellado.
L'an 1506 et lo 2e jort de jenoier, ung home de Nisso, appellat Borthomeron Jauffre aguet debat
anbé ung home de ben appellat lo portonothari de Tendo, et de grando mayson; et lo debat, fon à la
Torre d'Aygues en compainhia de monsr de Tendo et en jugant, mais lodit seignhor de Tendo lur fes
far la pas; et d'aqui vengueron en Marssilha et aqui estre aribas, lo portonotari fon lojat à l’ostalaria
del Lebrier et lodit Borthomeron en la mayson de son frayre appellat Cosme Vasal; et lo jort que dis
desus, environ très horos après miech jort, lodit Borthomeron non regardant à la pas que avia fach et
à la promesso de monsr de Tendo, mais quomo home forro de tot bon sens, prenguet son espassa et
venguet trobar lodit portonotari à l’ostallaria del Lebrier et lo trobet assetat al fuoc, anbé l’ostesso
senso negunos armos et li coumenset de dire paraulos injuriossos quomo aquel que sercavo debat, et
après las paraulos, los fas; car lodit Borthomeron Jauffre aranquet son espassa et lo proumier cop li
donet una stocado en la cuysso et lo segon sur l'enborigo, quomo aquel déliberavo de lo tuar, como
fes. Et aquo estre fach, lo servitor del portonotari ero en l’estable et auso lo brut, et montet, et cant
fon en ta sallo, trobet son mestre blesat à mort et tirret un estoch que portavo et si grant cop donet
subre la testo deldit Borthomeron que l’en fes dos pars et puis li donet ung autre cop que li talhet
quassi tot lo col; et aquo estre fach, son mestre li donet los anels que avia en sa man et sa gibasiero
et li dis: — Pren lo millor chival que y sia et vay-t-en en ma mayson et digo à mes amis que iéu
such mort. ” Et l’endeman fon sebelit lodit portonotari à grando honor en los Frayres menos. Diéu li
perdon! Et lodict Borthomeron visquet tres jors après, et puis fon sebelit à la peroqa de Sanct
Martin. Diéu per sa gracia aia. mersi de lur armos!