HISTOIRE JOURNALIERE D'HONORAT DE VALBELLE (1498-1539 ...

L'an que desus la vigillo de Sanct Peyre lo missonier, ung drapier de Marssa apellat Jaume Monier
partit de Marssa environ 9 horos de nuech per anar en Aixs et cant fon as Archs, aqui foron dos
baschos que eron de la companyha de Piero Navaro et lo viron que portavo una bogeto, si creseron
fossa argent; lo seguiron fins prés del pont de Boc et dessa del pont
la honte es la terro, roja, l'asalhiron, et per con-clussion lo tueron et puis d'en retorneron en Marssa;
et lo jort 8 d'aoust del dit an fon facho justicia de l'un d'aquellos murtriés, apellat Janet Deymar, li
fon talhado la testo et bras et cambos et lo cors fon por-tat pendre al gibet, et son companhon fuget,
et fes que sage, car si l’aguessan pres, el aguero passat lo pas de son companhon! Diéu li pardon! si
dissia ero gentil home et de bona maysson et fes bello mort.
L'an que dessus et lo jort de La Nostra Dama de miech aoust, lo capithani Joachin fon prés, per
Piero Navaro et mes en man de Monsr lo luoctenent, et lo dit luoctenent lo més en mans del viguier
de Marssa que ero messire Juhan Blancart lo li recomandant sus sa vido, et lo dit viguier lo més en
lo croton de la cort anbé los plus grosses ferres que fosson en las pres-sons, et l’endeman fon menat
en las pressons d'Aixs ben ligat et acompanhat et aqui demoret fins à l'an 1520 et à 12 de novembre
que li fon talhado la testo quomo el avia ben meritat, segond son procés, Diéu li perdon! el mori
quomo vos entendés, et son frayre Appelat () fes banquo falhido à Lion de ben hutanto-millo scus et
tot fon en ung an, so es 1520.
Dimecres 17 d'aoust 1519, partit l’armado de las illos capithani general Piero Navaro, i avia en la
dicto armado VIII galeros, los dos tafforeas, los dos galeons de Servian, et lo galeon de Odier, et
aquel de Besson, et tres brigantins que ero en tot 17 vellos, ben en orde et cargados de gens d'armos,
que non y si podian virrar. Et lo dit jort corregueron fortuno, en tant que en las mars de Sieys Fors
près des Raunelx lo bregantin de frayre Bernardin trabuquet de tallo sorto que de 32 homes à peno a
'en salvet dex, et ung lau que l'y avia de Martegue, fach à modo de bregantin volia donar secors al
dit bregantin; mais lo tempus fon si fort que lo dit bregantin anet travers en terro. Es veray que las
gens si sauveron et toto l’armdo excorreguet que à Tollon que à las illos d'Ieros, cascun anet là onte
poguet, tos ben trebolhas. Et vela ung paure comensament d'armado, mais nos diren so que disson
los sages de Biblo: principium melhior fortuna sequetur.
Lodit an et environ tossans retournet la dicto armado; premier venguet frayre Bernardin anbé dos
galeros, car la terso ero vengudo grant tempus per avant à causo de la grando maladia que ero en la
dicto galero, et las altros amenet Piero Navaro, ansi que a de coustumo, una partido moris de fam, et
l'autro de maladia, de sorto que los spitals de Massa en son extas ben garnis.
L'an 1520, et à 30 de jenoier, partet de Marssa frayre Bernardin, anbé très galeros armados per anar
en Geno.
L’an 1520, en Corsego, et prés de Bonyfassi, vengueron très fustos de Moros et Turchs, et una
galero armas como an de costumo, et preron terro près del dict Bonyfassi et aquo per sautejar la
terro, et entendent aquellos de Bonyfassi armeron una fusto et bregantins et altres navillis que avian
en lur port et vengueron assalhir las dictos fustos lasquallos troberon desarmados, car las gens eron
en terro, perque las prengueron et i troberon 90 crestians que avian pres; et per conclusion, tant que
troberon de Moros et de Turchs foron talhas en pessos et las tres fustos meneron en Bonyfassi; la
galero non fon point presso, car non y ero point.
L’an que desus et lo redier jort de las festos de Pascos que tenian 8 de aprilh fon facho una crido
que de aquel jort en avant que vodria aver cart de mocton en pagant 5 patas de la livre et la livre de
buou 4 patas; menon, fedo à patas 4 per livre. Per avant en pagaviant 4 patas de la l. del mocton et
trés patas tant del buou que menon et fedo. Et per ansi tot va quomo Diéu vol. Lo dilun 16 de aprilh
fon facho una altro crido dissent que vodria de cart en vago pendre al pres premier, so es de 4 et
tres.
L’an que desus et lo jort fon varado la galero que avia fach fayre Bernardin.