HISTOIRE JOURNALIERE D'HONORAT DE VALBELLE (1498-1539 ...
HISTOIRE JOURNALIERE D'HONORAT DE VALBELLE (1498-1539 ...
HISTOIRE JOURNALIERE D'HONORAT DE VALBELLE (1498-1539 ...
Create successful ePaper yourself
Turn your PDF publications into a flip-book with our unique Google optimized e-Paper software.
porteron los soldegas Alamans que eron en Geno per lo Rey, que eron environ 150 subre las ditos<br />
galeros, et si porteron environ de 400 ballos de arnés blancs, et alacrés et scramissos que preron en<br />
lo Castel Nou de Geno, losquallos avian aportat de Millan, et d'aqui à petit de jors fon portados en<br />
Franso.<br />
L’an que desus, et 28 de julh, las ditos galeros anbé lo galeon de frayre Bernardin, partiron de<br />
Marssilha per portar al Castel Nou et à Castelet en Genos, vitoalhos et poudro, malhos et sertans<br />
pessos de bronso et aqui aplicas troberon que lo capithani del Castellet apellat Laito, nebot de<br />
l’amiralh dit Prejan avia vendut lo Castellet as Fragossos per près de 13 millo ducas et s'en ero fugit<br />
anbé totas gens, que fon grando perdo tant per la bello, artilheria que ero dintre lo dit Castellet que<br />
per las vitoalhos que y eron et altros armos en grando cantitat. Vesent lo capithani de los galleros la<br />
perdo del dit Castellet fon grandament sbaït, et non senso causo, totas fes malgrat los Genovés,<br />
descargeron so que portavan en lo Castel Nou, et conforteron lo capithani del dit Castel, loqual ero<br />
ben exbaït, et los Genovés armeron dès galeros et una caraco, et sertans barchos per venir contra las<br />
dictos galeros, mais non y feron ren, car malgrat tot avitoalheron lo dit castel, et puis s'en retorneron<br />
en Marssilha, losquallos ariberon à 19 d’aoust.<br />
Et lo 10 de octobre, en lo dit an, lo capithani de Castellet, loqual s'en fugit et aribet à Lion en<br />
Franso, fon pres de la justicio et li fon talhado la testo, et cant la li vogueron talhar, lo feron armar,<br />
de arnès blancs et un abilhat en Genovés li tenia uno borso davant denoctant que per l'avarisso el<br />
moria.<br />
L'an que desus, lo rey d'Espanho anbé ajudo des Englés los quals eron desendus à Fonterabia,<br />
preron Panpalono, una grosso terro del rey de Navaro, et la principallo de tot lo rialme, mais non la<br />
tengueron gayre, car lo secors de Franso local condussie monsr de Borbon, venguet de si grando<br />
poyssanso que anbé l'ajudo que agueron del païs de Navaro, recobreron la dicto Panpalono et meron<br />
à mort de 13 à 14 millo Spanhols et Englés; de Fransés et Navarés en morit petit; et per ansi podés<br />
vesser que Spanhols et Englés an agut mallo dicho tant à la jornado de Raveno que de Panpalono,<br />
mais non hostant tot Panpalono restet en mans del rey d'Espanho.<br />
L'an que desus, vengueron novellos sertos que en las mars d’Anglatero los Francés, Bretons et<br />
Normans agueron une batalho si crudello anbé los Englés que la nau dicto de la Reyno, grosso quasi<br />
quomo una caraco, armado de plusors gens de pris si conbatet anbé una grosso nau d'Englés dicto la<br />
tierso Sovereno, lasquallos dos naus après que agueron conbatut tant et si longuament que n'en<br />
podian plus ni l'una ni l'autre, et vesent que non si podian afranellar, jugeron de fuoch de tallo sorto<br />
que et l'una et l’autro nau foron brulados, que à peno scapet persono, que fon grando perdo et<br />
domage, et de l'un costat et de l'altre; mais que que fossa, la victorie de la jornado demoret as<br />
Francés, et Englés agueron del pire.<br />
L'an que desus et à 8 de septembre, vengueron, novellos que portet la posto de cort, coment los<br />
Espanhols et Englés avian agut una roto en laquallo eron mors de 18 à vint millo et perderon lur<br />
artilheria, que fon grando perdo per ellos et gassan as Francés et fon la dicto batalho en Navarre<br />
près de Panpalono, et agudos aquellos novellos, monsr de Piemartin, luoctenent de senechal en<br />
Provenso, mandet encontinent lo doble de las lettros al duc de Savoya et a monsr lo Bastard et à<br />
plusors gentilshomes de Provenso, et aquo per los rejouir.<br />
Et per que alcuns si porian mervilhar per que aquestos batalhos si fassian en Navaro, vos voli<br />
déclarar la causo. Devés entendre que cant si fes lo mariage del rey d'Espanho et de la sorre de<br />
monsr de Foués dit duc de Nemors, loqual mori à la jornado de Raveno, quomo avès ausit desus,<br />
tant lo rey de Franso que rey d’Espanho, doneron al dit duc de Nemors los drés que podian aver sus<br />
lo rialme de Navare, loquat tenia lo filh de monssr de Labret per rason de sa molhe, reyna de<br />
Navaro, loqual rialme los dos reys tant de Franso que d'Espanho pretendent cascun y aver dret,<br />
comenseron aquellos geros, lo rey d'Espanho disent que puisque son conhat ero mort que à el<br />
apartenya la sussetion del dit rialme de Navaro et contat de Foixs, et lo rey de Franso per contra