HISTOIRE JOURNALIERE D'HONORAT DE VALBELLE (1498-1539 ...

porteron los soldegas Alamans que eron en Geno per lo Rey, que eron environ 150 subre las ditos
galeros, et si porteron environ de 400 ballos de arnés blancs, et alacrés et scramissos que preron en
lo Castel Nou de Geno, losquallos avian aportat de Millan, et d'aqui à petit de jors fon portados en
Franso.
L’an que desus, et 28 de julh, las ditos galeros anbé lo galeon de frayre Bernardin, partiron de
Marssilha per portar al Castel Nou et à Castelet en Genos, vitoalhos et poudro, malhos et sertans
pessos de bronso et aqui aplicas troberon que lo capithani del Castellet apellat Laito, nebot de
l’amiralh dit Prejan avia vendut lo Castellet as Fragossos per près de 13 millo ducas et s'en ero fugit
anbé totas gens, que fon grando perdo tant per la bello, artilheria que ero dintre lo dit Castellet que
per las vitoalhos que y eron et altros armos en grando cantitat. Vesent lo capithani de los galleros la
perdo del dit Castellet fon grandament sbaït, et non senso causo, totas fes malgrat los Genovés,
descargeron so que portavan en lo Castel Nou, et conforteron lo capithani del dit Castel, loqual ero
ben exbaït, et los Genovés armeron dès galeros et una caraco, et sertans barchos per venir contra las
dictos galeros, mais non y feron ren, car malgrat tot avitoalheron lo dit castel, et puis s'en retorneron
en Marssilha, losquallos ariberon à 19 d’aoust.
Et lo 10 de octobre, en lo dit an, lo capithani de Castellet, loqual s'en fugit et aribet à Lion en
Franso, fon pres de la justicio et li fon talhado la testo, et cant la li vogueron talhar, lo feron armar,
de arnès blancs et un abilhat en Genovés li tenia uno borso davant denoctant que per l'avarisso el
moria.
L'an que desus, lo rey d'Espanho anbé ajudo des Englés los quals eron desendus à Fonterabia,
preron Panpalono, una grosso terro del rey de Navaro, et la principallo de tot lo rialme, mais non la
tengueron gayre, car lo secors de Franso local condussie monsr de Borbon, venguet de si grando
poyssanso que anbé l'ajudo que agueron del païs de Navaro, recobreron la dicto Panpalono et meron
à mort de 13 à 14 millo Spanhols et Englés; de Fransés et Navarés en morit petit; et per ansi podés
vesser que Spanhols et Englés an agut mallo dicho tant à la jornado de Raveno que de Panpalono,
mais non hostant tot Panpalono restet en mans del rey d'Espanho.
L'an que desus, vengueron novellos sertos que en las mars d’Anglatero los Francés, Bretons et
Normans agueron une batalho si crudello anbé los Englés que la nau dicto de la Reyno, grosso quasi
quomo una caraco, armado de plusors gens de pris si conbatet anbé una grosso nau d'Englés dicto la
tierso Sovereno, lasquallos dos naus après que agueron conbatut tant et si longuament que n'en
podian plus ni l'una ni l'autre, et vesent que non si podian afranellar, jugeron de fuoch de tallo sorto
que et l'una et l’autro nau foron brulados, que à peno scapet persono, que fon grando perdo et
domage, et de l'un costat et de l'altre; mais que que fossa, la victorie de la jornado demoret as
Francés, et Englés agueron del pire.
L'an que desus et à 8 de septembre, vengueron, novellos que portet la posto de cort, coment los
Espanhols et Englés avian agut una roto en laquallo eron mors de 18 à vint millo et perderon lur
artilheria, que fon grando perdo per ellos et gassan as Francés et fon la dicto batalho en Navarre
près de Panpalono, et agudos aquellos novellos, monsr de Piemartin, luoctenent de senechal en
Provenso, mandet encontinent lo doble de las lettros al duc de Savoya et a monsr lo Bastard et à
plusors gentilshomes de Provenso, et aquo per los rejouir.
Et per que alcuns si porian mervilhar per que aquestos batalhos si fassian en Navaro, vos voli
déclarar la causo. Devés entendre que cant si fes lo mariage del rey d'Espanho et de la sorre de
monsr de Foués dit duc de Nemors, loqual mori à la jornado de Raveno, quomo avès ausit desus,
tant lo rey de Franso que rey d’Espanho, doneron al dit duc de Nemors los drés que podian aver sus
lo rialme de Navare, loquat tenia lo filh de monssr de Labret per rason de sa molhe, reyna de
Navaro, loqual rialme los dos reys tant de Franso que d'Espanho pretendent cascun y aver dret,
comenseron aquellos geros, lo rey d'Espanho disent que puisque son conhat ero mort que à el
apartenya la sussetion del dit rialme de Navaro et contat de Foixs, et lo rey de Franso per contra