HISTOIRE JOURNALIERE D'HONORAT DE VALBELLE (1498-1539 ...

an patecheiat que fon 4 fortalessos subré la dit illo, et Spanho en aura la senhoria et li donan tos los
ans 18 millo ducas.
L'an que desus, VI fustos de Moros et dos galeros preron la borgado de Pusol et la molhe del visso
rey de Naples si sauvet à cors de chival et tot son ben fon perdut et feron de grans malx à la dito
borgado et d’aqui à petit de jors, los dis Moros vengueron à Riege, una bona villo de Catabria et la
preron et spolieron, tant que segon famo valia so que preron los dis Moros plus de 25 millo ducas,
senso los gens que feron pressoniers que fon ung grant domage et perdo.
L'an que desus et la vigillo de Sanct Barthomiéu, que fon à 24 d'aoust, partiron de las illos de
Marssa Monsr lo luoctenent de amiral appelat Chause, anbé l'armado que avia fach; laquallo
armado ero de 4 galeros, los dos galeons de Servian, la nau dicto de Sanct Troncho et la nau deldit
Chause et sa caravelha, lo barchet de Monsr de Mimet et ung gros galeon de Naples, et sertans
altres navillis et brigantins et vos dich per veritat que jamais non vi armado que partissa del port de
Marssa mielx en point que ero aquello: in primis de gens de cap ero la flor de Marssa como Servian
patron, Raphel Rostan et tant d'al-tros, de vitoalhos cargas, en finis de conpanhons de gero grant
cantitat et subre que tot de artilheria que non ero de stimar que si dissia valer ung tressor, de lur
viage negun non sap honte va. Diéu lur done gratia de ben anar et mielx revenir!
L’an que desus et del mes de decembre Monsr lo grant mestre de Franso dit Rene, Bastart de
Savoya venguet en Aixs as tres stas et presentet son filh appelat Glaudo et fon assetat senechal de
Provenso et ansi foron payre et filh seneschals de Provenso al plus vivent; lo filh podia aver 13 à 14
ans.
Souvendra ben al païs de Provenso de sa vengudo, car so que solian pagar 15 florins per fuoch
foron à 28 quasi lo doble, et so fon Diéu mersi Monsr de Solies, et plusors altres losquals an la bona
gratia et non lur costo ren del lur, car aquellos tala vogueron far ung don al novel senechal de VI
millo scus de solelh, et tojors l’aze porto lo bast.
L'an 1521, et à 6 de jenoier, aribet à Marssa lo patron Raphel Rostan, ung des capitanis de l'armado
que avés ausit desus. El estre aribat anbé son navilli dit la Taffore li fon demandat que ero del
capithani Chause et de l'armado, local respondet pitossament que lo jort de Sanct Denis redierament
passat que fon à 9 de octobre 1520, totha l’armado aribet davant Barut, circo una horo apres miech
jort et anbé grando bonasso et aqui estre aribas lo dit capithani Chause dessendet anbé IIc
gentilshomes tos gens de grant pris et de bona maysson et en lur companyha dessenderon dos
frayres appellas Sanct Pons anbé lur companyha, laquallo ero grando et de gens vuahens à las
armos; ellos estre dessendus al dit Barut devers ( ) la honte a grando cantitat de oliviers, lur paria
tot estre gassanhat, en luoc de si metre en ordenanso, quomo devian far gens de guerro, si meron a
corre apres de fremoe que s'en fugian del dit Barut et apres sertans buous que troberon aqui, et altres
que anavan per figos, lur paria estre en lur terro. Los Turs et Moros que eron en lo dit Barut vessent
venir los Crestians senso ordenanso et senso armos sinon los granx plamls et piquos et qualques
alabardos, delibereron los resebre anbé lurs archs turqués ansi que an de costumo et si meron per
aquello olivedo, et los comenseron de servir de flechos de tallo sorto que en mens de dos horos los
meron tos en fuito, de tallo sorto que lo dit capithani Chause y fon mort, et plus de Vc homes anbé
el, los uns detras de lur flechos, los altres que si degoleron de ung baux et tombas que eron los
Turcs et Moros lur venian tathar la testo; en mar los navillis tiravan contro lodit Barut et i feron de
grans domages, mais non lur ronperon las muralhos, et ellos nos ronperon la testo que es grando
differenso; per conclussion dich que y moriron plus de Vc chrestians et quasi tos gens de grant pris
que fon ung grant domage et perdo, et si vos dich davantage que si lo baron Sanct Blancart,
capithani de las galeros agesso vogut far son dever, que aguero sauvat pron de aquellos que
misserablament y foron tuas; mais lo dit capithani Chause et lo dit baron Sanct Blancart avian agut
qualque discort, loqual discort fon causo de la mort de plusors gens de ben, losquals moriron en
ladito jornado, mais quant jéu ay tot entendut l'affayre such de oppinion que justo judicio hoc fuit