HISTOIRE JOURNALIERE D'HONORAT DE VALBELLE (1498-1539 ...

L'an que desus, los Fragossos feron ung engien per venir minar lo castel nou dit Malvesin, loqual
engien fon fach de una sorto incredibla de grossos legnhans et barros de ferre, faysat de saquos de
lano de cuers et y avia d'intre environ 80 homes, loqual engien si aprochet del dit Castel per far son
entreprisso, mais lo capithani del dit Castel et sos companhons non dormian point, car de la
premiero tirado que fes l'artilharia mes lo dit engien à fous et si negeron pron de aquellos que eron
dintre et ausi tot non lur venguet ren et si lur costet grans denies.
L’an que desus et del més de novembre lo capithani del Castel de Millan dit altrament la Roqua
rendet la dicto plasso à Maximillian, duc de Millan, filh de Loys Sforso, autrament dit lo Moro,
loqual mori en Franso à Lochos prissonier, quomo avés ausit desus et salit lodit capithani et totos
sas gens à bagos salvos que segond famo enporteron de grandos richessos et si los fies accompanhar
lodit duc de Millan, fins en la terro del Rey.
L'an que desus et del dit mes de novembre, parti de Marssa fraire Bernardin anbé dos gallons cargas
de vitoalhos per portar à Castel Nou de Genes et foron ben avant mays agueron novellos que los
Fragossos avian VI galeros armados et sertans naus spressament armados per lo pendre et el
entendent la causo s'en retornet à Marssa et aribet lo jort 16 décembre et parelhament aguet novellos
que los Adornos avian avitoalhat lo dit Castel, mis tant de vitoalhas que vodran, que enfin tot si
perdra, las speriensos en son assas evidentos, Genovesses en Geno, Italiano en Italia et Fransezes en
Franco: los mons fan la partenso.
L’an 1514 et lo 9e jort de jenoier, mori la reyna de Franso, molhe de Loys 12, rey de Franso,
appelado Anna, Duchessa de Bretagnha et laysset dos filhos, la premiero apellado dama Glaudota
que fon molhé de Mons lo daufin dich Monsr d’Angolema, et la segondo fou apellado Rayniero.
Diéu li fassa mersi!
L'an que desus et del mes de jenoier et fébrier, alparegueron trés solelhs et dos lunas et + en lo sel,
causo que lo monde en fon tot exbait, car tallos causos non eron acostumas de vesser et ossi eron
causos expovantablos, Diéu que es lo rey del sel et de la terro et del solelh et de luno, mandé sa
mizéricordia ansi que lo monde en a grant besson et special lo paure rialme de Franso, loqual a tot
lo monde contra et de totos parts guero en expecial Englés, Spanolhs, Soysses, losquals an fach de
grans domages à la corono, quomo de l'aver privat de tota Ytalia, et en special de la duche de Millan
et de la contat d'Ast, que eran del veray patrimoni del Rey.
L'an que desus, fon fach grant mestre de Rodes lo fraire del Sgr de Fino apellat frayre Fabrissi,
genovés, o veramente de Ribiero. Diéu vuelho que en prengue ben en Rodes de aver layssat de far
los grans mestres de Franso quomo eron acostumat, que non es memoria del contrari, et aver prés
Genoves, que es una perverso generation quomo es causo provado et altros fes an vogut far prendre
Rodes et la metre en mans del Turch.
L'an 1514, lo rialme de Franso non fon, ni en guerro, ni en pas, sos aversaris cascun estavo en sos
termes tant solament ung Corso que ero abitat à Villafranco pres de Nissa per sa sotillitat et grant
engien donet secors al Castel Nou de Genes, altrament dit Malvessin que non es nomen
appellativum sed propricum loqual corso conduguet ung galeon gargat de vieures al dit Castel, et
per l’armado de Fragossos fon acompanhat fins al port de Genos, ai cresent que portessa blat en
Genes quomo avia fach per plusors viages et lo dit galeon ero cargat de vin, blat, olis, carsalados et
poudro et altros causos al dit Castel necessarios et cant lo dit galeon fon à l'intrado del mol el viret
la vouto del Castel et lo Castel li volia tirrar, mais el mostret la bandiero de humo et tantost lo
capithani lo reculit, car grant besson en avian, et l'armado de Genoves foron tos confus et exbais,
car ellos experavan de jort en jort que si rendes, car los Genoves non tenian armado si non per
gardar que lo dit castel non aguesse secors et si y ero armado grosso quomo de catre caracos, catre