HISTOIRE JOURNALIERE D'HONORAT DE VALBELLE (1498-1539 ...

L'an 1503, fon fach un edich de par lo rey conte de Provenso en la cieutat de Marssilha que tos los
envans fossan abatus et los tauliés retiras à ung palme et miech foro de paret, et ansi fon mes en
execution senso negune contradiction.
L'an sobredich et lo jort 12 fébrier, fon pendut Peyron d’Antibol, enfant de Selon, et fon pendut en
la Plasso Novo de Marselha en una rodo de carretto que y fou dreyssado, loqual avié tuat ung
barbier; et notas que et fugit à Sanct-Victor en franquesso, mais tot non li profita gaire, car ung
senhor de Parlament va venir et lo gitet de franquesso.
L'an sobredich et à 19 de febrier, fon desamat Prejant, loqual avié quatre galleros et una fusto ben
armados, et fon desarmat à Otranto, en lo rialme de Naples, traït del governador d'aquello terro,
loqual ero Venessian.
L'an subredict et à 12 de mars, aribet l'archiduc, filh de l’emperador Maximilian et fellene de
Charles, duc de Borgonhe, en Lion de Franso, là onte hero lo rey Loys 12, rey de Franso; et aqui
vengueron plusors senhors del rialme de Franso à causo del debat que ero entro lo rey Loys et lo rey
d 'Espanho, suegre deldict archiduc, et aqui assemblas tracteron de la pas.
L'an que desus et lo jort VI de aprilh que fon un digoux, fut pendut et estranglat un gentilhome de
Marssilha appellat Honorat Gués, alias Vivaut, et lo penderon denfre lo croton de la presento
cieutat; et mort que fort, lo penderon à la porto de ladicto cort, devant l’ome, affin que cascun lo
vissa et li prenguessa exemple; et puis fon despendut et portat sebelir en la gleyso, de Nostra-Damo
des Carmes. Et si alcun demandavo que fon la causo de sa mort, li respondi que vagon veser son
procès et aqui pourran veser que non a pres mort sensa causo.
L'an que desus et a XI de aprilh, fon cridado la pas entre lo rey Loys de Franso et lo rey et la reyno
d'Espanhe, et fon facho procession general et fuoc de joye. Diéu vueille que dure meillor que non a
de costume!
L'an que desus et à 20 de mars, que fon lo divendres, mori Loys d'Arminach, duc de Nemors,
visconte de Martegue, de san rial, loqual lo rey de Franso avia mandat per governador et luoctenent
de sa persone en lo rialme de Naples, et mori en uno batailho que agueron los Francés contra los
Spanhols alprès de Venissa en Polhe; et mort que fon, Gonsauro Fernando, capitani general per lo
rey d'Espanho, lo fes portar à Berlet et aqui lo fes sebelir, nonobstant que los segnors de Franso que
eron en lodict rialme, como monsr d'Aubini et monsr d'Alegre et plusors autres avian demandat lo
corps deldit sgr; lodict Gonsauro Ferrando a respondut que lo vol tenir prisonier.
L’an que desus et lo 30 jort de jun, fon cridado la guerro entre lo rey de Franso et lo rey d'Espanho
et aquo en la cieutat de Marssilha per lettros patentes que lo Rey segnhor nostre mandet.
L'an que desus, foron messas las monedas à pes, causo que jamais non avia estat fach en Provenso
de memoria d'ome.
L'an que desus et 16 de julh, partet de Marselha l'armado de mar que eron VI navillis que grosses
que petis, et aquo per anar al secors de l'altra armado que ero à Iscla, laqual tenié assiegado
l'armado del rey d'Espanho; et ossi dos jors après es partido de Fregus l'autro armado que eron
environ hotant como aquellos que partiron de Marssilha et si son assenblas per anar al dict secors.
La cantitat de los gens d'armos que foron en ladicto armado tant de aquellos que partiron de Fregus
que de aquellos que partiron de Massilha foron dos mille, los capitanis: monsr de Antibol, lo filh de
monsr de Gréux, Ilion de Faucon, Ange de Buou, capitani general de la dicte companie.
L'an que desus et lo 19 jort de julh, passet davant Marssilha l'armado que si ero facho en Aiguos
Mortos, en que avia tres carracos et plusors autres navillis, et tot tiret avant la recasso del davant