HISTOIRE JOURNALIERE D'HONORAT DE VALBELLE (1498-1539 ...

Franso mandas per lo Rey meneron, en lur conpanyha 15 cens lansos et 20 millo homes de pè, et
d'altro part y foron los Venissians en ajudo del rey de Franso 800 lansos et 8 millo homes de pè et y
fon lo duc de Ferraro anbé tres cens lansos et 5 millo homes de pè, losqualos companyhas estre
asenblados recobreron toto Ytalio à Franso senso grans cops. Et ansi podès vesser que non y a ren
segur soto lo firmament, en ung mes fon perdudo et
en ung mes recobrado, et del mes de juin 1512 perdudo et del mes de jun 1513 recobrado,
nonhostant que en la recobrant lo filh del Morro, loqual si dissia duc de Millan, quant vit venir los
Francés se retiret en Novayra, anbé tot son effors ou eron de Soysses grant cantitat et los Frances
los vengueron asiegar anbé lur artilharia et tenent lo dit siege los Soysses et altros nations, losquals
eron d'intre Novayro saliron subre los Francés de tallo sorto que los defferon et leveron l’artilharia
que fon grando perdo as Francés et si y moriron plusors grans personages commo lo filh de Robert
de la Marcho et plusors altres y moriron de Soysses et altres a trés grando cantitat et plus que de
Francés.
L’an que desus et del mes de rnay, l'amiral Préjan anbé los VI galeros, aguet una batailho aspro al
près de Brest en los mars de Bretanha contro plus de 40 naus d'Englés, losquale Englés los
vengueron assalir, local asaut fon à lur grant domage et honto, car lur amiraly fon tuat et plusors
altres grans senhors d'Anglaterro et meron affons 8 grossos naus desdis Englés et si meron à mort
plus de millo de lurs gens et tot lo demorant si meron en fuito vers Englaterro et la victoria et honor
laquello tot home appetis, restet as Francés, et segond famo, Domengue Séguier de Marsa fon lo
principal d'aquello victoria.
L'an que desus et del mes de jun estent l’armado de nar des Fragossos en las mars et coffre de
l'Espessi, como gens espers à la guerro de mar, feron senbel à nostro armado de dos bregantins et
las galeros non pensant plus avant saliron per los pendre et como la fortuno vaguet, lo vent si
reffresquet que eran marinos de tallo sorto que l’armado des Fregossos venguet subre la nostro et la
nostro fes forso de procysar, mais non foron si abilles que dos galeros non y demoresson, que foron
la galero dito de Fregus et una del capithani frayre Bernardin, de que aquello de Fregus donet de
proa en terro et los gens si salveron et aquello de frayre Bernardin fon presso et mal menado, de
sorto que si dissia que non escaperon de la dito galero que très homes et tot lo demorant fon que tuat
que mes en ferres, ben es veray que segond dissian aquellos que scaperon devant que ta dito galero
fosso presso vendigueron si ben lur mort que feron una grando plago as dis fragosses, mis
nonhobstant lur vallenso ellos y demoreron ( ) capithani de ladicto galero fon lo castellan de la
Napollo apellat ( ).
La vigillo de Sanct Juhan, que fon le 23 de jun ariberon las 7 galeros et galeons et altres navillis que
eron anas en la dito armado; et notas que en luoc de lur dire que fosson los benvengus femo as
enfans los maudissian et si truffavan d’ellos, et aquo per causo que avian perdut aquellos dos
galeros que dis desus.
Noto que partido que fon l'armado de Genes, messier Octavian de Campo Fragosso fes ung amas de
ben tres millo homes et venguet en Genes et casset l’Adorno et la Gato et si fes signor, local
Octavian anbé sas gens passeron per Voltri que son adornescos, et y feron mals infinis, como
violant filhos, robant, tuant, causo de mal ausir. O! Rey Loys de Franso onsieme, que tu eros sage,
car cant ti vengueron los genoves per si donar à éu, et éu lur respondis senblablos paraulos: — Vos
donés — vos à moy de bon cuer?” Et los Genoves responderon: — Signor, Si! Et lor Rey dis: —
Puis que vos vos donés a moy de bon cuer et voloer, de bon cuer et voloer, jé vos dono à tretos les
diables que son en anfer et octés vos davant moy, car vos n'êtes tos que mechantes gens!.
L’an que desus et del mes de jun, los Englés disenderon en Franso de 30 à 40 millo et meron lo
Siege davant Torrano, una grosso terro de Franso que es en las frontieros de Picardia et lo jort 28
del dicto mes, los Francés saliron del dit Torrano environ 300 lansos et doneron sus los Englés de
tallo sorto que tueron lo chanbrelan, del rey d'Englaterro et plusors gens et lo capitani Tallabot fon
blessat à mort et pressonier et lo demorant del dit siege si mes en fuitos; dos jorts après los Francés