HISTOIRE JOURNALIERE D'HONORAT DE VALBELLE (1498-1539 ...

L’an que dis desus de 1515 et del mes d'aoust, ensegent l’entrepresso, lo Rey Francés premier
d'aquel nom, Rey de Franso, anbé la companyha presedent passet los mons d'Italia, non pas como
avian passat los presessors- ni per aquet camin car nos dires so que si a costumo de dire pro bene
viderunt, los Suysses que volian estre signors d’Italia tenian depuis Suza fins al col de Lagnel tos
los passages en grando poyssanso que persona non podia passar en Piémont sensa lur licenso; et
vessent lo Rey de Franso los passages ocupas et que y dever passar non si podia sensa grando perdo
de sas gens, deliberet de far ung passage de novel tot drech de Guilestra, local passage fon fach en
lo luoc apellat ( ) en que passet toto son artilheria et gens de guerro et ausent los dis Suysses
lo passage de novel, duptant lo domage que lur en poria seguir, y manderon Prospero Colono, anbé
Vc chivals legiés, et 4 millo Suysses à deffendre que los
Francés non passeson per lodit pas; mais sero venerunt-, car Monsr de la Palissa et sertans altres
capi-tanis francés tenian déjà lo pas, et avertis ellos de lur vengudo, los vengueron atrobar en ung
luoc dich Villafranco et aqui los defferon. Prospero Colono, et altres gens de cap foron menas en
Franso presoniés, et lo demorant passet per lo fil de l’espasso, en sorto que tot y demoret.
L'an 1515 et del mes de septenbre, fon tractat appoyntament entre lo Rey de Franso, et Maximillian,
filh del Moro, que si fassia duc de Millan et los Suysses, que mejansament una grando somo de
deniés que donavo lo Rey as Suysses et ossi donavo à Maximillian lo ducat de Valentines, devia
estre pas entre las partidos, et duret lodict contrat per plusors jors et fon jurat per las partidos, et la
vigilo de la "+" de septenbre que fon à 13 de Septenbre, lo duc de Savoya aconpanhat de Monsr 10
Bastart et plusors alttres patiron de la conpanyha del Rey et aneron en ung luoc près de Millan
apellat ( ), et aqui los Suysses devian venir prendre lur argent, ansi que ero convengut et
acordat; mais en luoc de venir per acomplir so que avian promes, lur conductor appellat lo cardinal
de Sion fes far ung grant cadaffaut et aqui montet et si mes à lur sermonar que per ren non
prenguessan, aquel argent, mais que si messan tos en orde per anar, assalhir lo Rey, local trobarian
desarmat, banquetant, quomo aquel que non pensavo que à la pas facho, lur remostrant que si ellos
podian deffar lo Rey et sa conpanyha, que ellos serian signors de tot lo monde, car en sa conpanyha
ero toto la noblessa de Franso, et veritat que ero; lo ribaut non avent regart à l'apoyntament fach et
jurat ni ossi aquello canalho mais quomo cans enrabias et lops affamas salhiron de Millan plus de
trenta milla anbé sertans millanés de la part del duc, tos en grando ordenanso et vengueron, contro
lo Rey que de lur vengudo non pensavo ren, mais estavo tot asegurat quomo aquel que avia la pas
per bono. Et quomo fon la voluntat de Diéu, loqual es cap de toto pas, lo salhi de Millan ung
gentilhome, nebot, del sgr Juhan Jaques de Treusch, ben montat, local à chival rompent, va venir
devers lo Rey cridant à alto vos: — Traysson! traysson! " Lo Rey que volia sopar, que à negun mal
non pensavo, lo fes venir davant el, et li demandet que ero la causo que el venia si scauffat, et
adunquos lo gentilhomo li dis: —Siro, metés vos en orde, car los Suysses venon après mi et an
deliberat de vos deffar et despachas vos, car ellos son près d'ayssi. Et ausido la novello, lo Rey fon
ben exbaït et encontinent fes cridar: —Alamo! alarmo!.
Et chascun si mes en orde lo milhor que poguet, mais lo lesir fon cort, car sos enemis li foron desus
et de tallo sorto que non agueron lesir de si poder metre le ordenanso; mais cascun fes lo milhor que
poguet, vos prometi que lo noble Rey Francés mostret ben aquel jort que et hero ung home prux et
valeros, et si non fosso sa grando valhenso tot y demoravo; mais anbé l'ajudo de Diéu et sa
valhenso, et parelhament de sas gens, et fon vensedor car de tranta millo que salhiron de Millan,
non en excapet pas 9 ho 10 millo, que tot lo demorant non fossa non diray pas pres, may tos mes al
fil d'espasso, car la traysson retornet subre ellos; car la batalho finido, de 28 millo Suysses non s'en
trobet que 7 millo sensa los millanés et altros nations que moriron en lur conpanyha et parelhament
des Francés mori cantitat, et de gens de cap; y mori Monsr de montpansier, frayre de monsr lo
conestable, et mori lo conte de Sanserre et mori Mongsr de Bussy d'Anboysse, et plusors capithanis
et gens de pris y moriron de lancequenés belcop et aventuriés et altros nations, car lo non si podia
far del contrari atendudo la sorto que la traysson fon facho et ossi la grando durado que fes la
batalho, car ello duret depuis dos horos de solelh fins à la luna tremonta, la vigillo de la ’’+’’, et lo
jort de la "+" depuis l'aubo fins à 10 horos de matin, que tot ben calculat trobi que duret la dicto