HISTOIRE JOURNALIERE D'HONORAT DE VALBELLE (1498-1539 ...

l’uchier de porto en porto ajornar que lur plassia, so es aquellos que avian elegis per conseliés
novels, gitans forro los viels, sinon tos, la major partido, losquale novels jureron en las mans del
dict monsr lo president de ben et degudament exsersir l'office de consellier, et tot fon fach en la
mayson del dit Doria lo jort que desus. Et l'endeman que fon digoux, de matin entre 7 et 8 horos, se
asenbleron losdis conselliés en ladicto mayson et accompanheron lodit president et los autres sors à
la gleysso, de las Aquollos, et aqui feron cantar uno messo del Sanct Sperith et al partir de ladicto
gleysso, losdis conseliés novels de 72 elegis quomo avès ausit desus per comandament deldit
president si aneron asenblar en l’Ostal de la Villo, en la sallo basso, et aqui feron los 24 quomo ero
acostumat; los 24 estre elegis, los 48 saliron de consel, et los 24 maton dintre per far los officiés de
la cieutat ansi que davant ero acostumat; non y fon autro differenso, sinon que si solio far ladicto
election tres jors davant la Tossans, et aquesto fon anticipado, ansi que avès ausit; et foron elegis en
consols Jaume Bonyfay, Peiron de Besous et Janon Texseire, de Sanct Juhan.
Et vesent Carte Forbin lo dessonhor que li fassian de lo gitar de son consollat davant son an
complit, si asentet de la cieutat et Janon Aubert, son conpanhon parelhament; non restet sinon Juhan
Sepedo, lur conpanhon, loqual anbé voluntat del Parlament complit son an, et los conseliés vielhs
parelhament, car ansi fon declarat per la cort de Parlament que los console viels et conselliés
servissan lur anado et, l’anado finido, l’election per lodit president facho, sortisso son effet. Et ansi
podès vesser que l’estat a durat en las manus de la casso Forbino sirco 16 ans et y forro ancaros
ancaros si non fosso la lur grando superbio. Superbi amicos non habent, sed undique agregantur sibi
inimicos. Et aussi madamo Cupido i ero fort entremesclado, Luxurio de l'autre costat, que a quassi
tot gastat.
L’an que desus, fon en Marssilha et son terrador una scassetat d'aygo si grando que quasi per tot lo
terrador fons et poux manqueron; et en special la fon dito de la Peiro que rago, si podia mudar lo
non et dire que ren non rago, et los poux de l'environ que presque tos manqueron, la font de Sancto
Marto et plusors autres falliron, en sorto que la cieutat en ero en grant exbaïment.
L'an que desus, retornet l'armado que ero partido d'aysi et ariberon las caraquos premieros et après
vengueron las galeros et pauc de jors après que foron aribados, lo capithani Préjan fes pendre dos
homes à las entenos de la galero rial, losquals selon que si dissié, prenian argent per far fugir los
galios et mors que foron los penderon al gibet d'Aren.
L'an 1509 et à 13 de decembre, que fon lo jort de Sancto Lucio, fon en Marssilha terratremol
environ de 11 à 12 horos, mais non duret gayre; et à Manoasco duret per VIII jors en tallo sorto que
tombet quasi tot lo castel del senhor et los baris de la villo uno grando partido, tant que lo pobol en
ero tot exbaït et non senso causo.
L'an 1510 et del mes de jenoier, lo rey d'Espanho pres de asaut Bugie, uno grosso terro en Barbaria
de miech jort et près de la marino, et aqui si es fach fort. Ero capithani de la dicto armado ung
apellat Pietro Navaro, home de grando conduto; et avenguet en ladicto presso, uno cauco digno de
recontar, que ung Morro riche avia tengut per ung grant, tenpus ung Cristian per sclau encadenat et
cant lo Morro vi la lur grando perdission, et que non podia fugir ni scapar, si va rendre à son sclau
et lo dit sclau li mes la cadeno que portavo et et si fes senhor del dit Morro, et de tos sos bens.
L'an que desus, fon en Marssilha uno causo digno de recontar, so es que entre la justice fon si grant,
discort et confussion, per lurs mals fachs, que lo viguier, dit Juhan de Clou, enfant de Monpelier,
fon pres et menat en Aixs et detengut en presson et aguet d'acussans senso nombre; parelhament lo
juge de palais vendet sa judico contro los statue rials que proïbisson aquo fayre, et aquel que la
conpret, dit Almeran, que ero de Fregus, fes tantos gentillessos sive malvestas que lo prengueron en
sa maysson et lo meron en presson et aqui respondet et sa molhe li fon fremanso, et lo soviguier
parelhament detengueron plus de XV jorts en presson. Tantos causos foron fachos que los
cieutadans de Marssilha en extavon tos esmervilhas, car lur paria contra rasson que ung lop
mangesso l'autre; mais pemissione divina ita fuit factum.