HISTOIRE JOURNALIERE D'HONORAT DE VALBELLE (1498-1539 ...

L'an que desus et lo jort de Sanct Michel, fon facho la crido de las monedas, so es que en lo païs de
Provenso negunos monedas non aguessan misso si non eron del cris de Rey, exetat moneda des
Venitians, de catre aliansas et lur senblablos, que fosson bonas et de pes et parelhament de carlins
de pape et lur senblables, de que lo pes fon donat: pessos de g 3 de Venesie et de catre alliansos de
non passar en 2 g. 12, carlins de papa en 2 g. 16.
L'an que desus, fon cridado la pas et allianso entre lo rey de Franso et aquellos que s'ensegon, primo
Venetians, lo rey dels Romans, lo rey d'Anglaterro, et generalment totas las comunas d'Italie. Diéeu
per sa gracia vueille que dure ansi que nos fa beson.
L'an que desus et à 8 de octobre, fon coronat papa Piis, senex, et lo 17 jort del dict mes morit. Diéu
li fassa perdon! Per IX jors que fou papa, non se pot ren dire de sos fas, mais lo es tot veray que
essent cardinal tant que visquet aguet renon de home de ben et de sancto vido.
L'an que desus, fon fach papa Jolian de Saona de Sanct Pietri in Vincula, et fon appellat papa Julio.
Diéu li done la grasia que sa vido sié senblablo à son nom; fon genovés et de Saona.
L'an que desus et à 26 de octobre si levet lo siege de entor de Sausos, et si retireron à Narbono, et si
levet per duptanso del rey d'Espanho, loqual venié à grando poissanso per levar lodict siege.
L’an que desus et à 14 de novembre, fon cremat ung que disia estre masch, appellat Guilhen Labre,
del luoc de Durbia de la diosesa de Dinha, et fon cremat subre lo plan de Sanct Michel de la present
cieutat. Diéu per sa grasia ly aye mersi!
L'an 1504 de la nativitat et lo jort 4 de jenoier, foron cassas los Franseses de Gaeto per Gonsauro
Ferrando, capitani per lo rey d'Espanho en lo rialme de Naples, viso-rey per lo rey Loys XII de
Franso, Loys marquis de Saluses, et capitanis monsr d’Alegre, monsr de Crusol, monsr de la Lundo,
amiral de la mar, et Prejan capithani de los galeros, laquello seria partit de Gaeto tos debaratas, et
perderon, quasi toto l’artillarie de bronso que ero de grando valor, et anbé las naus et galeros que y
eron vengueron, à Genos como gens confus et meneron monsr d'Aubigni et monsr de la Palisso,
losquals eron prisoniers en nans del dict Gonsauro Ferrando, losquala foron delieuras à causo de la
rendition de Gaeto, et aquo per patis et conventions anbé plusors autres prisoniers del rialme de
Franso que tenié lodict Gonsauro.
L'an que desus et à 18 de jenoier, mori Lois, marquis de Salusses, loquat avié extat visorey à
l'armado de Gaeto per lo rey de Franso Loys XII, et mori en Genos al retor que feron de Gaeto, et
d'aqui los galeros lo porteron à Saone et de Saone fon portat à Salussos en sa cieutat et aqui
honorablament fon sebelit ansin que à tal prinse apartenié. Et devès saber que lodict marquis avié
environ LXV anns quant el mori; en son vivent fon home vertuos et plen de grando valhenso et si
son conselh fosso extat exegut, los Fransés non foran extas cassas de Gaeto si vilanament que foron,
laquallo cassado fon causo de la mort deldict prince, car et mori plus de melenconie que d'autre mal.
Diéu per sa gratia li vuelhe son armo mettre à repaux en sa glorie de Paradix!
L'an que dessus et à 2 de mars, fon cridado la trevo, entre lo rey Loys de Franso, et lo rey
d'Espanho, et déu durar la dicto trevo tres ans exetat lo rialme de Naples, loqual rialme non es
conpres en ladicto trevo perse que losdis prinses entendon de y continuar la guerro. Diéu per sa
pietat y vueille mandar boeno pas, ansi que es necessari au paure comun pobol!
L'an que desus et à 15 de mars, arribet aysi lo capithani Prejan anbé V galeros armados et lo propo
jort de sa vengudo foron presses tos lo ruffians que si troberon en Marssilha et foron messes en
galero per forso.