Institut Béarnais Institut Béarnais - Institut Béarnais Gascon

2 La létre de l’Institut Biarnés e Gascoû 2009
UGÈNE DE LARROQUE
"Caddèt de Hourcadut, bielhot e praubét à Sen Guirouns"
Par Jean-Michel PALETOU
Badut à Ortès en 1832,
qu'escribou dens lou
yournau "Le Mercure", de
1871 dinque 1898, hère de
beroyes létres publicades en
1924 per lous sous nebouts.
Que sinnabe dab subernoums.
Lou méy emplegat qu'éy
"Caddèt de Hourcadut, bielhot e
praubét à Sen
Guirouns" Enta-u coumpréne
û drin, que-s cau
arrebira ûe pause au
tems de Larroque.
1870 qu'éy l'anade qui
claba la fî de l'Empèri
dusau, qui ère estat
penden bint ans ûe dictadure
poulitic. Permou
d'aco, Larroque, republicâ
ahoecat, nou poudè pas
escribe : la poulice qu'atalayàbe!
La pòu
de tourna béde
aus poudés
lous qui ne
soun pas
republicâs
que-u hé bade
Apuch la deshèyte de Sedan e
l'eschourroulhade de l'Empèri, la
Tresau Republique qu'ère tabé
ûe dictadure, mes culturau, e à
choalines. Labets lous yournaus
que tournèn gaha mey de libertat.
Larroque, ta ha bàle las
soues idées y touca lou petit
puple que causi de calameya en
loengue biarnése. Hourcadut
qu'abou succès ! J.V.Lalanne
que-ns e-n balhe û testimoni..
"Que cau abé-c bis enta créde-c,
la gauyou qui pourta lou debis
biarnés de Larroque au puble qui
n'abè yamey bis arrey de nau.
Que demouràbi per labets à
Berenx, au ras d'Ortès. N'y
arribàbe pas sounque û soulet
numero dou Mercure. E doun ,
qu'ou hasèn passeya, birouleya
de mâ en mâ, de maysou en oustau,
dinque qu'ère en penalhs,
dinque que ne-n y demourabe
pas méy ròpi. Que léyen la letre,
que l'arreléyen, que la sàben per
co. Au cor dou hoéc, s'ous
camis e p'ous cams que-n recitaben
passàdyes. Dab grans hahas
d'arrìde, que disèn lous
beroys mouts, aumentats,
mayourats, flouquetats."
De l'obre de Larroque,
de 1871 dinque 1899
quoan se mouribe, quey
demoure chic de
cause. En 1924,
Marrimpouey que hasou
lusi û pa de liberots,
dab sengles hèchs de
létres, "Letres literàris"
e "Letres poulitics".
Hère chic au ras de ço qui escribou
lou mèste d'Ortès. Que-s y
troben, à barréyes, testimònis
qui-ns e balhen drin de luts sus
lous ahas poulitics e l'ana de
bibe en aquere tempourade.
Hourcadut que-s y amuche
defensou atrebit de la libertat de
pensa. Que bedém drin quin
èren las eleccious aus tems de
l'Empèri. "Touts que-s en mesclàben,
mayre, curè, garde-man
que-s embiaben e balhaben bilhetous
chens s'esplica ta qué...
Labets qu'anaben en tremblan
enta la bote coum ûe troupe
d'aulhes qui abèn pòu d'esta
minyades per lou loup." E dab la
Republique: "Adare n'ey pas
mey atau, lou garde-man nou-s
bien pas mey pourta bilhets, e
que-ns ey permetut d'escouta
las bertats qui-s disèn bien
d'autes cops. Quoan nou seré
qu'aquet drin de libertat qui-ns a
tournat la Republique, que deberém
esta counténs, e ha tout ço
qui cau enta la sustiéne."
(Mercure, 13 août 1871)
La pòu de tourna béde aus poudés
lous qui ne soun pas republicâs
que-u hé bade à bèts cops
gnacan e hissan : "Qu'espèri que
lou die de la bote, e toustém
d'are enla, que prouberam aus
emperialistes e aus royalistes
que n'y a pas mey de places ni
fabous en tad'éts, e qu'ous amucheran
toustem la porte de
dehore (M. août 1871) Souben
que-s amuche trufandè e despieytous:
"Moussu A...sus la
soue paperole ne parle pas
brique de Republique, que
semble qu'aquet mout qu'ou
debe estrangla e qu'àye pòu des
desgansoula lou pugnet en
l'escrìben. Qu'éy doun ço qui
bòu? N'at dits pas. Que-s dèche
dab hère d'abillésse ue porte
ubèrte enta-s poùde bira dou
coustat qui arràye lou sou"
(Mercure, octoubre 1871)
Tradiciou? Prougrès?
Daubues létres que-ns parlen
drin de la purmère Espousiciou
Unibersau de Paris en 1878.
Empoun màye de la Republique,
qu'éy birade decap à la mecanisaciou
e la siénce. Coum tout
boû republicâ, Larroque que
cred hère au prougrès e à la
siénce enta ha la countre-carre à
la supersticiou. "N'an pas troubat
encoère la mecanique qui
hasè lous gouyatots de car e
d'os, més que sera per segu enta
l'àute espousiciou. E labets,
Moussu, quin gran remèri enta