Institut Béarnais Institut Béarnais - Institut Béarnais Gascon

8 La létre de l’Institut Biarnés e Gascoû 2009
AUROST 1 ENTA L’AMIC
Lous oélhs lhebats à las estélles,
Qu’as caminat lou toû camî
Calhaubut coum ûe ralhère 2 ,
De segu, nou l’abous pas tout lis.
Héns lous changuéys 3 de tas misèris,
Ta arréns jaméy n’as pas dit
Û mout machan, ûe mourgagnère 4 .
Més toutû, quoau ère éth qui abè dit ?
Que-n y a qui passen en han plâ, que-n y a qui passen en han plâ
Que-n y a qui hèn plâ en passan, que-n y a qui hèn plâ en passan
Que-n y a qui hèn plâ de passa, que-n y a qui hèn plâ de passa
Arré nou hasès à mieytat,
Coum per l’esperit qu’ères û mèstẹ,
Qu’ères û coumpagnoû recercat.
Que-t sabès da bère pauséte
De pleytéys 5 y 6 d’amistat,
Més méy que hèste y rehèste
Case caséte 7 qu’a countat.
Quoan per aciu dela las brumes
Eth gran aulhè ba t’apera,
Digue-l’y, si nou t’importune,
Tau coum tu soul at sàbẹs ha,
Digue-u d’espia û drin sus tèrre
Oun nousàutis pederiqueyan 8 ,
Digue-u tabé que y a misères
Trop pesandes à pourta.
Més tout aco soun foutricoles,
Eth die qui-s retrouberan
Nou s’aprén pas héns nade escole
Las taulades 9 quin canteran.
Dap eths amics, biélhs dera biélhe,
Gran chèf de co te prouclaman,
Desbousseran bounes boutélhes
Y à la santat de tout passan.
Que-n y a qui passen en han plâ, que-n y a qui passen en han plâ
Que-n y a qui hèn plâ en passan, que-n y a qui hèn plâ en passan
Que-n y a qui hèn plâ de passa, que-n y a qui hèn plâ de passa
Jean Abadie deth Hayét d’Aulouroû
1
Sorte d’oraison funèbre (pas toujours élogieuse envers le défunt).
2
Coulée de roches éboulées.
3
Faux-pas.
4
Bougonnement.
5
Longues discussions.
6
y = « et » héns lou parsâ d’Aulouroû.
7
Ton « chez toi ».
8
Piétinant.
9
Tablées.
Hèt serbici à l'àyne,
que-b pagara de péts
L'afouadye aquet an que-s troubabe au pè dou
bosc. N'ère pas loégn e toutû qu'ère de soubié
ha ta daubûs qui s'abèn escadut las pièles au
houns de l'arrèc. Ta sourti-s d'aquet galhihoure que
calè carga chic si'n n'èret hort atelat.
Yusti de Branou, dab las soues baques qu'ère partit
ta carga-s'en mieye pièle. Lous besis n'abèn encoère
brigue desgadyat l'entour, ta trouba-s û cargadé,
que debou ha pla de bire-plecs.
Coumptan sus las balentes bacotes, que carga à
mieyes, prou hort toutû, lhèu drin trop. Mes que sabè
mia lou sou parelh e boutan-se daban, ballèu que las
abourribe. « Haut Aricade, Mourete, haut ! haut ! ».
Que hen quoàtẹ pas, dinquio la permère souque.
Qu'embraca drin. « Arrè, praubotes, arrè ! » Puch
adarroun, « Ha baque, ha, Mourete Aricade... Ya ! »
Pas mouyen de tira mey endaban.
Que calè descarga ou demanda-s ayude. A qui
demanda l'ayude ? Yustemen arrés n'ère à pourtade.
Yusti labéts que coumence la litanie dous arneguets:
« Au haut digne diubiban ! Au gran double diubiban,
au gran triple hilh de pute ! Macarèu, macarèu, bey
foutan aço ! » O, yura que poudè mes tira nou-s hasè
de coentes.
Urousamén, miéye ore après, qu'arribabe Arnaud de
Barats dab lou car atelat dou sou parelh de boeus.
Lous dus òmis n'erèn pas dou medich bord, nou s'en
boulèn pas, nou, mes tè, que-y abè û arrèc poulitic
enter ets. Toutu Yusti que-s bedè oubligat de demanda-u
ûe corde. Arnaud, chens se ha-s prega qu'ou
tira lou car de l'arrèc e medich que l'at amia s'ou
cami herrat.
Nou-y abè pas à marcadeya, lou serbici qu'ère plâ
rendut e Yusti qu'ère endeutat. La counciénce s'ou
pic qu'ou hasè dise : « Ben, mercés per oey, mey tard
que biérèy ayda-t û die ».
Au mes de Yulh, cap à Sén Yan, coum Arnaud abè ûe
palhade de hé que-s pensa : " Tè, oey, drin d'ayude
nou seré pas de refus. Qu'embia la drolle ta ço de
Yusti qui ét, abè deya estrussat lou sou fourradye.
« Adichat, papa que-b hè dise si boulet balha-u lou
die, oey qu'abem hère de hé à carga ».
Yusti labéts de respoune : «O ba, maynade, ta pay
que s'ey troumpat, que l'abi dit, ya, qu'ou balhèri û
die, mes qu'ère tau pèle-porc qui you coumptàbi !».
Zabié de Pucheu