Artea Historia I. Juan Plazaola - Etor-Ostoa
Artea Historia I. Juan Plazaola - Etor-Ostoa
Artea Historia I. Juan Plazaola - Etor-Ostoa
Create successful ePaper yourself
Turn your PDF publications into a flip-book with our unique Google optimized e-Paper software.
JUAN PLAZAOLA<br />
22 — EUSKAL ARTEAREN HISTORIA I<br />
Arte higikorraren distiraren kontrastean, Isturitzeko aztarnategiak ez du Ekain, Altxerri eta<br />
Santimamiñeko aztarnategiekin alderatu daitekeen haitzetako arterik. Eta erantzun konbentzigarri<br />
bat aurkitzea zaila litzateke, Isturitzeko arte higikorraren kalitate bikainari dagokion<br />
kalitate bera zergatik ez den azaltzen haitzetako artean galdegingo balitzaigu. Inguratzen gaituen<br />
ezjakintasun bera genuke, Santimamiñeko bisonteen egileek beren aztarnategiko konpresore eta<br />
plaketen artean alderagarria den ezer zergatik ez zuten utzi galdegingo balitzaigu.<br />
Jesus Altunak, Isturitzeko arte altxor horri buruz, zera adierazten du, artearen perfekzio horrek<br />
berak Madeleine arte higikorraren “azken zatia” adierazten ote duen dirudiela: “K. a.<br />
10.000. aldera artelanen dekorazioak Isturitzen halako dinamismo eta askatasuna iritsi izateak,<br />
abstrakturako garaien atarietan egotea esan nahi duela”. Antropologo ospetsuaren adierazpen<br />
hau guztiz garrantzizkoa iruditzen zaigu, gure ustetan, artearen historiaren beste garai batzutan<br />
ikus daitekeenarekin bat datorrena. Azpimarra dezagun jadanik, beranduago gertakari honi buruz<br />
aritu beharra izango baitugu, euskal artearen garapen estilistikoari lotzen gatzaizkionean.<br />
3. Haitzetako artea<br />
Euskal Herrian ezaguna zen haitzetako artea ez zen bereziki adierazia izan ia oraintsu arte.<br />
Baina, azken urteetan izan diren aurkikuntzak, gure herria, paleolitiko artearen benetako garrantzizko<br />
lekuen artean kokatua dute.<br />
Pinturak eta grabatuak<br />
Euskal Herrian haitzetako artea franko-kantauriko sailean kokatzen da. Prehistoriako gure<br />
pinturen aurkikuntzen aurretik Lascauxekoak (1940) Dordoñan (Frantziako erdialdean) ezagunak<br />
ziren eta askoz lehenago Altamirakoak (1879). Lascauxekoak antzinagokoak dira; Auriñaciense<br />
aldikoak dira, nolabaiteko giro epel garaikoak; Altamirakoak Madeleine aldikoak dira.<br />
Dirudienez, orain berriki (1995) Ardèche departamenduan (Frantziako hegoaldean) gertatua da<br />
lehen mailako garrantzia duen beste aurkikuntza bat haitzulo batetan, adituak ikertzen ari diren<br />
ehunka animalien irudienak, alegia.<br />
Goi Paleolitikoan haitzetako artea, zehatzago esanda, Madeleine aldian, pintura eta grabatu<br />
bezala azaltzen da.<br />
Batzuetan, pinturak haitzen erliebe naturalei egokitzen zaizkie eta beroiek iradokiak direla<br />
dirudite. Madeleineko ertilariak beltzez (ikatz edo manganeso dioxidoz), zuriz eta okrez, eta<br />
hau horitik gorrira eta bioletarako aldaketekin margotzen du.<br />
Eskualderen batzuetan, denok ezagutzen ditugun faunazko adierazpenaz gain, gutxi edo gehiago<br />
geometrikoak diren forma bitxiak azaldu dira –“makaroniak”– marra okerren trazuak,<br />
behatzez eginak bezalakoak; baita esku osoaren aztarnak ere, negatiboan, ia beti ezker eskuarenak.<br />
Esan liteke gure eskualdeko artearen lehen zizakadurak hor ditugula. Giza eskuaren silueta<br />
horiek kanpora azaltzeko modu bat dira, unibertsoan izen ematekoak; “jabegoa hartze” modu<br />
bat, nolabait esan. Ez dezagun ahaztu plastiko gertakari honen eta euskarazko “esku-bide”aren<br />
esanahiarekin bat etortze hori.<br />
Gero etorriko da “antzekotasun” aurkikuntza mimesiaren harridura, milurtekoak beranduago<br />
Aristotelek arte figuratiboaren iturri bezala aipatuko duena, alegia, “honoko hau (marraztutako<br />
gauza) hura dela” ziurtatzearen atsegina. Eta beranduago, edo agian aldi berean, “zeinu<br />
abstraktua” eta “sinboloa” azalduko da.<br />
Gure paleolitiko artearen ondare bezala har dezakeguna gainetik aipatu eta azaldu baino lehen<br />
egin ditzagun edozein historialariren berezko ohar batzuk. Ezer baino lehen, egin dezagun<br />
ohar hau, guri naturala iruditu dakiguken zerbait, hasierako gizonarengan kreazio ahalegin bitxi<br />
eta goiztiar baten balioa du: hiru dimentsioetako gauzakiak horma baten bi dimentsioen adierazpenetara<br />
murriztea, alegia. Aipa dezagun gainera, eskala laburtuko erreprodukzio bat dela.<br />
Dirudienez Afrikako zenbait herri oraindik ez da iritsi abstrakzio maila horretara.<br />
Beste abstrakzio bat zera litzateke, margo bakar batez egindako marrazkiena, eredu naturalaren<br />
margo aniztasuna ordezkatzen duena.