Artea Historia I. Juan Plazaola - Etor-Ostoa
Artea Historia I. Juan Plazaola - Etor-Ostoa
Artea Historia I. Juan Plazaola - Etor-Ostoa
Create successful ePaper yourself
Turn your PDF publications into a flip-book with our unique Google optimized e-Paper software.
JUAN PLAZAOLA<br />
TESTUINGURUA<br />
ERROMATARRAK GURE HERRIAN<br />
66 — EUSKAL ARTEAREN HISTORIA I<br />
3.<br />
Erromatarren etorrera<br />
Erromatarrak Iberiar penintsulan k. A. III. mendean sartuak ziren dagoeneko puniko gerratea zela eta.<br />
Hurrengo hamarkadatan hispaniar lurraldeak hartze hau areagotzen joan zen eta I.ngo menderako Ebro<br />
Erdi sakanera eta Baskoniara iritsi zen, modu bizian iritsi ere, Sertorio eta Ponpeioren arteko gerratea zela<br />
eta.“Ebroren iparraldeko” herriei buruz antzinako geografoek, Estrabon, Pomponio Mela, Plinio eta Claudio<br />
Ptolomeok eta Tito Livio, Salustio eta Julio Zesar bezalako historialariek, eta Silio Itálico poetak esaten<br />
digutenetik atera liteke Ebro haranetik barrena edo Zeltiberia zeharkatuz, erromatar legioak, Baskonia<br />
aldera hurbildu zirenean, lau tributan banatutako herri bat aurkitu zutela, Autrigoiak, Karistioak, Barduloak<br />
eta Baskoiak izenez deitu zietenak; gure aroa baino lehenagoko azken milurtean zehar Penintsulan<br />
sartuz joan ziren indoeuropar hizkuntzako jendeak aurreko mendeetan ekarritako eragina baldin bazuten<br />
ere, berauen sustraiak guztiz definigarriak zirela.<br />
BILAKAERA BATEN FASEAK<br />
Euskal Herrian erromatarren barneratzeko lehen fasea Ekialdetik eta Hegoaldetik eman zen, K. a. II.<br />
mendeko lehen bi hamarkadatan. Sempronio Graco, Ziteriorreko Gobernari (K.a. 180. urtean) izendatu<br />
zutelarik, lurraldea “baketuz” Betikatik Zeltikara igo zen, Baskoniako mugetara iritsi eta Gracchurris (Alfaro)<br />
sortu zuen, beranduago –inperio garaian– Baskoiekin bat egina izango zen hiria.<br />
Bigarren fasea, Herriko urak zatitzen direneko hegoaldean eman zen, Hispania Ziteriorrean Sertorio eta<br />
Ponpeioren arteko militar kanpaina bitartean, K. a. 76-72 aldian,Kantauria aldeko Iparralderantz erromatarren<br />
balioen lehen foku hedapena sortu zelarik. Arerioen gudarosteari euste muga kokatzeko Ebro<br />
haraneko bere erasoaldian, Sertoriok itunak sinatu zituen tribu batzuekin eta aurre egin zien beste batzuei;<br />
Baskoien lurraldea zeharkatu zuen eta Beroiak eta Autrigoiak eraso zituen. Ponpeiok berriz, 76-75<br />
eko negua Pirinioak eta Ebro artean pasa zuen Sertorioren joan etorriak zaintzen; hurrengo urtean bere<br />
kuartela baskoien lurraldean kokatu eta Ponpaelo sortu zuen, lehendik bazen oppidum baten gainean,<br />
estrategiaz garrantzizkoa zena, Pirinioetako igarobidea ziurtatzen baitzuen.<br />
Barneratzeko hirugarren fasea Akitanian eman zen K. a. 56an P. Craso, Zesarren ordezkoak hegoaldeko<br />
Galiarren eskualde hau menperatzeko zenbait kanpaina hasi zituenean, bertan Augustoren aldira<br />
arte erreboltarien gotorlekuei eutsi egin zitzaien, Baskoniako Iparraldean (K. a. 27-26 ean) Mesala Corbinoren<br />
eskuartzea eraginez eta baita gerora Augusto beraren etorrera (K. a. 26-24 ean) ere, atzerapenik<br />
gabe Kantabriar gerrateak hasteko.<br />
Hiru aldi hauek erromatarren barneratzearen faseak bezala hartu behar dira.Baina bistakoa da, gure<br />
aroaren lehen mendeetan Erromatarren Inperioaren historiako gora beherek badutela eraginik Erromak<br />
hartutako lurraldeetan eta aldaketak ematen dira beren aztarnategietan eta horren ondorioz baita<br />
zenbatekoan, izaeran eta gure arkeologiari eragingo dieten datuen kalitatean ere.<br />
ERAIKUNTZAK ETA KOMUNIKABIDEAK<br />
Erromatarren garaiko arkeologia aztarnek diotenez, Augustoren Inperioaz geroztik jadanik, flabiar<br />
dinastiaz geroztik batez ere, Erromak bereganatutako lurren balio geoestrategiko eta ekonomikoaren<br />
ezaguera hartzen duela eta Hispaniaren Iparraldean kokatu eta bertatik giza eta material baliabideak<br />
ateratzea erabakitzen duela. Horrela adierazten zaigu kostaldeko zenbait herrik, Galiarekin Erromak<br />
izango zituen salerosketarako ainguratoki bezala, burutu zezakeen egitekoaren garrantzia: Flavióbriga<br />
(Castro Urdiales), Foruan Gernikako itsasadarra, eta Bidasoako ugaltarana (Oiasso), Bizkaiko Somorrostro<br />
eta Gipuzkoako Arditurri meatzeei irteera emanez.<br />
<strong>Historia</strong>larien idatziak irakurriz eta arkeologia aztarnak begiratuz ondorio honetara berehala iristen<br />
gara, alegia, erasotzaileen militar eta politiko presioei aurre gogor egin gabe, Baskoniak erraz eman zuela<br />
amore, zati batetan bederen, urak zatikatze marraz azpialdeko hegoalde eta sortaldean, alegia, gainerako<br />
hispainiar 1 geografian oso garatua zegoen erromanizatze ibilbidearekin elkartuz. Sortaldetik K. a. II.<br />
mende ondoren, erromatarren baimenarekin (eta senatugintzako baskoien laguntzaren sari modura<br />
seguruenik) Baskoien mugitze bat gertatu zen Suessetarren lurraldeetan barrena Jazetaniaren hegoaldean,<br />
(Cinco Villas deritzan eskualdea gaur egun) gaur toponimiak adierazten digunez.<br />
Okupatutako lurraldea kanpokoarekin lotzeko eta tropen eta beste edozein ondasunen ibilbidea<br />
errazteko, komunikabideak sortuz joan ziren, eta bereziki Asturica Augusta (Astorga) Burdigalarekin (Burdeos)<br />
iparraldetik eta Tarracorekin (Tarragona) sortaldetik elkartuko zituen galtzadak eraiki ziren. 2