Artea Historia I. Juan Plazaola - Etor-Ostoa
Artea Historia I. Juan Plazaola - Etor-Ostoa
Artea Historia I. Juan Plazaola - Etor-Ostoa
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
JUAN PLAZAOLA<br />
38 — EUSKAL ARTEAREN HISTORIA I<br />
- Abstrakzioa. Azkenik, irudi abstraktuak dira Lizitin (Ardagoya) aurkitutako puntuak, marrak,<br />
gurutzeak eta angeluak eta Urratxa IIIan (Orozko, Bizkaia) margotutako ertzekoak.<br />
Artelanen esanahiak<br />
Nolako zentzua eman behar zaie aldaketa estilistiko hauei? Francisco Jordá Cerdá-ren iritziz,<br />
Neolitiko bitarteko eskematismoaren hedapena, kronologikoki megalitismoarekin uztartu behar<br />
da. Idazle honek hipotesi bat kanporatzen du, alegia, Ekialdean ez bezala, non gizarte hiritartu<br />
alderako garapen egiten den, Sartaldean, larrez larreko artzainen eta ehiztarien gizarte bat<br />
azaltzen da, abeltzaintza eta hedadurazko nekazaritzan oinarritua. Komunitate zentzu bat gailentzen<br />
da, bai taldekako ehorzketatan eta bai beren megalitoetan, elizarik ez dutela eta beren<br />
sinismena, idoloetara –ehorzketakoa, inpertsonala eta eskematikoa– jotzen duen forma erlijiosoetan<br />
sustraitua dago, gizakia eta harantzagokoaren arteko harremanetako elementu bezala hartuz.<br />
16 Geldialdi bat egin dezagun, beraz, Baskonian megalitikoaren gertakaria ingurugiroaren<br />
arloan deskribatzeko.<br />
2. Habitat edo ingurugiroaren garapena<br />
Bizimodua eta arkitektura<br />
Bistakoa den bezala, prehistoriako gizakiaren ingurugiroak badu zerikusirik arkitekturaren<br />
historiarekin. Gizakiak arkitekturarekiko izan zuen lehenengo bultzada, babeslekuaren premiagatik<br />
sortua izan zen: bizi eta biziraun ahal izango zuen lekua, izadiaren indarren kontra,<br />
animalia basatien eta beste gizonengandik babesteko lekua. Babesleku hau izadian bertan topatu<br />
zuen: kobazuloak eta haizpeko babeslekuetan; baina, berehala bere buru-argitasuna helburu<br />
horretan jarriko zuen, babes espazioak sortuz, berak funtsean menderatzen zituen material hauekin<br />
(egur, buztin eta harriak).<br />
Nahiz eta kobazulo eta haizpeko babeslekuetan bizitzen Epipaleolitoan eta Neolitoaren hasieran<br />
oraindik ere jarraitu, zenbait milurtekotan, alegia, euskal lurraldeko zenbait gunetan aire<br />
librerako joera nabari da jada neolitiko garaian bertan. Eta naturala da delako babes eta defentsarako<br />
kokapenak, egitura korapilatsuetan garatzen joateko joera.<br />
Demografia hazkundeak eta beste gora beherek etxearen –borda, etxola edo txabola– eraikuntzaren<br />
beharra senti arazi zuten, pixkanaka, eraikuntza sendoagoen aldera garatuko zirelarik.<br />
“Denboraren iragaiteak, egiturak berak eta erabilitako materialak berak gauzatu dute ia erabateko<br />
desagertzea, onenean, zoruaren aztarna besterik ez geratuz”. 17 Epipaleolito eta Neolito<br />
aldietan “eraikuntza” edo hirigintza modu horretan izandako guztia desagertu egin da, beren<br />
material eta tekniken ahultasun eta hauskortasunagatik, zalantzarik gabe. Berri txiki batzuk, La<br />
Renke, Berniolloko (Araba) aztarnategiak eman dituen aztarnetatik atera ahal izan dira, delako<br />
herrixka multzoaren sorrera Neolitiko aldian eman eta Eneolitora arte iraungo zuelarik.<br />
Euskal gizonak K.a. II. milurtekorako ikasia zuen metalak erabili eta urtzen. Brontze Aroa<br />
zen (K.a. 1.600). Nafar-arabar lautadako gizona bereziki, izadiaren aldiak hobeto ezagutzen<br />
hasia zen, denborarenak, urtearenak, alegia. Nekazari bihurtu zen: Erein egin zuen, uzta bildu<br />
eta berriro erein egin zuen. Euria eta hotza iristen zen, baina dena berriro bero eta argitsu izaten<br />
zen. Begiek ez zuten gosez bilatzen ehiza; zerura ere begiratzen zuten, uraren eta beroaren iturrietara.<br />
Izarrak eta ilargia bizitzarako funtsezko gertakari, aurreikusi zitezkeen gertakarien zeinu<br />
bezala balio zuten. Bizimodua egonkor bihurtu zen. Lehengo ehiztaria egoneko, sedentario<br />
bihurtu zen. Garai honetakoak ziren, Burdin Aroa baino lehenago Euskal Herriko alderdi batzuetako<br />
indusketek ezagutza nahiko zehatzak eman dizkigute, kokaleku apaletan antolaturiko<br />
herrixkenak.