Aiako Harria Parke Naturaleko (Gipuzkoa) interes bereziko landare ...

ARRISKU-FAKTOREAK
Oso habitat zehatzeko landarea da eta beraz, errekastoak jasan dezakeen eraldaketa txikiena ere
nahikoa da kalteak sortzeko. Eraldaketa hauek batez ere basoaren ustiaketaren ondorioz irits daitezke.
23. Irudian ikus daitekeenez, eta lehen aipatu denez, Soldanella villosaren kokapenen %42,8a eta
azaleraren %48,8a koniferoen birlandaketetan daude (Larix kaempferi, Picea abies, Pinus nigra eta P.
radiata espezieez osoturikoak), horietatik %30,6a eta %15,4a Pinus radiataren pinadi helduei
dagozkielarik hurrenez hurren. Horrela, zuhaitz-kultiboak errekastoraino iristen direnean edo egiten diren
pistek errekak zeharkatzen dituztenean, bertako populazioak kalte ditzakete. Horrez gain, landare honen
habitatarekin erlazionaturiko perturbazio naturalak ere badaude: mendietako errekastoetan bizi direnetan,
euri-jasen ondorioz, urak landare-sorten zatiak eramaten ditu eta goi-mendietako errekastoetakoek,
izozteak jasaten dituzte.
23. Irudia. Soldanella villosa (borobil urdinak) eta Hymenophyllum tunbrigense (borobil berdeak) espezieen kokapenak
koniferoen birladaketetan oinarrituriko landaredi-mapan.
Saxifraga clusii Gouan
KOROLOGIA: BANAKETA GEOGRAFIKOA, ZENTSUA ETA OKUPAZIOA-AZALERA
Saxifraga clusii ere Pirineoetako endemikoa da eta Frantziako Cévennes mendikatetik Euskal
Herrira hedatzen da (SAULE, 1991). Euskal Herrian Oiartzungo eta Berastegiko populazioak dira
espeziearen mendebaldeko muga (AIZPURU et al., 1997). AHPNean ezagutzen zen lokalitateaz gain
38