Aiako Harria Parke Naturaleko (Gipuzkoa) interes bereziko landare ...

24. Irudia. Saxifraga clusiik AHPNan duen banaketa zehatza. Kokapen bakoitzean landare-aleek okupatzen duten azalera
adierazi da m 2 -tan (irudian ez da Putrerrekako populazioa agertzen).
EKOLOGIA: HABITAT KARAKTERIZAZIOA
Bibliografiaren arabera, substratu silizeodun zirrikitu heze edota errekasto inguruak kolonizatzen
ditu eta altitude garaietan agertzen da (AIZPURU et al., 1997; BIURRUN, 1999). Espeziea batez ere eskisto
gainean agertzen da (CASTROVIEJO et al., 1997; AIZPURU et al., 1999). Inguru biotikoari dagokionez,
Saxifraga clusii, Soldanella villosarekin batera, Saxifrago clusii-Soldanelletum villosae asoziazioan biltzen
da (AIZPURU & CATALÁN, 1987).
AHPNean, Martuzenegierrekan 420 eta 650m bitartean ikusi da, Txurrumurruerrekan, 270 eta
750m artean, eta Putrerrekan 375m-tan. Orientazioari dagokionez, lehenengo eta hirugarren errekastoak
mendebaldera orientatua daude eta bigarrena, iparraldera. Hiru kasuetan substratua azidoa da (granitoa).
S. clusii harri-txintxar, lurzoru mehe, goroldio edo belar gainean aurkitu da. Inguru oso argitan bizi da,
gehienetan inguruan zuhaitzik gabeko tokietan eta ur bazterrean edota errekan bertan ere ikusi da,
hezetasun handia behar duen landarea da. Berarekin batera hazten diren espezie laguntzaileen zerrenda
5. Taulan topa daiteke, sarritan Soldanella villosa ere agertzen delarik.
ARRISKU-FAKTOREAK
Espezie honetan muga-efektua nabaria da Aiako Harria eta Bianditzeko hiru erreketan bakarrik
aurkitu baita, baina populazioak egoera onean daude. Inguru oso jakinetan bizi den landarea izanik,
habitataren eraldaketa da arrisku-faktore nagusia: baso-lanek sortutakoa (pistak eta beste lanak), ibai
ertzetan hondakinen metakinek sortuak eta ertz hauetako landarediaren aldaketak eragindakoak
40