Aiako Harria Parke Naturaleko (Gipuzkoa) interes bereziko landare ...

desberdinak izatea. Gertaera honek izugarrizko garrantzia eta inplikazioak ditu espeziearen kontserbazio
eta kudeaketarako eta beraz, ezinbesteko eginbeharra da bi belaunaldi horien inguruan ahalik eta gehien
ikertzea, espeziearen biologia orokorra oso ongi ezagutzea kontserbazio-plan egokiak proposatzeko
(RUMSEY et al., 1998a, 1998b eta 2002; USHER, 2002).
EKOLOGIA: HABITAT KARAKTERIZAZIOA
Espezie hau mikroklima berezietan bizi da: toki itzaltsukoak dira eta ia saturazioraino iristen den
hezetasuna egoten da. Tenperaturak, berriz, suabeak dira eta homogeneoak urte guztian. Substratuari
dagokionez silizikola da eta errekastoetako ur-jauzien zuloetan bizi da (CASTROVIEJO et al., 1986; AIZPURU
et al., 1999). AHPNeko populazio bakarraren habitata bat dator orain arte esandakoarekin eta T.
speciosumekin batera topatu ditugun espezie laguntzaileak ondoko hauek dira: Cardamine raphanifolia,
Cardamine pratense, Chryssosplenium oppositifolium, Hepatica sp., Luzula sylvatica, Oxalis acetosella,
Rubus sp., Saxifraga hirsuta, Sphagnum sp.
ARRISKU-FAKTOREAK
Arrisku-faktore potentzial aipagarriena: errekastoaren ubidean eragin dezakeen edozein jarduera
eta perturbazio, bereziki baso-ustiaketari lotuta daudenak; hau da, bizi deneko ekosistemaren eraldaketa
da espezie honen inguruan dagoen arrisku-faktore nagusiena. Baita naturzale nahiz botanikoen bilketajarduera
mehatxu potentzial nabarmena da.
3.3. LARRE-OTADIAK
Daphne cneorum L.
Orohar, esan dezakegu eskasak direla Daphne cneorum espeziearen inguruan buruturiko ikerketak
eta ondorioz, zailtasunak izan ditugu dagoen informazio apur hori lortzeko, bai eta gure datuak
interpretatzeko.
KOROLOGIA: BANAKETA GEOGRAFIKOA, ZENTSUA ETA OKUPAZIOA-AZALERA
Daphne cneorum espezie arrunta da Europa erdi eta hegoaldean (TUTIN et al., 1968), nahiz eta
herrialde bakoitzean bere egoera desberdina izan (esaterako Polonian espezie mehatxatua da). Aitzitik,
Euskal Herrian ezagutzen diren populazioak banaketaren mendebaldeko mugakoak dira. Gipuzkoan
Irunen eta Bizkaian Karrantzan aurkitu izan da (AIZPURU et al., 1997) baina azken lokalitateari dagokionez,
bilaketa berriak burutu ostean ez da berriro agertu. AHPNean aipatuta zeuden lokalitateez gain (AIZPURU
et al., 1997) beste hiru puntutan ere aurkitu denez, hasieran uste baino ugariagoa dela esan daiteke.
Antza denez, espezie honen habitata eranitza da, bai altitudeari eta bai substratu-mota eta hezetasunmailari
dagokienez: Europa erdiko mendietan 1500m-tik gora eta leku hezeetan ageri bada ere (AIZPURU
et al., 1996), AHPNean 500m-tik beherako altitudeetan topatu dira orban guztiak, Bidasoan eta Miarritze
inguruan ia itsas mailaraino jaitsiz. Litekeena da Euskal Herrian espezie honek duen egoera larria, bai
banaketa-muga izatearekin eta bai bere habitataren perturbazio-jarduerekin erlazionatuta egotea.
Ukaezina da espezie honen habitata ikertu beharra dagoela bere biziraupenaren inguruko erabakiak hartu
aurretik.
46