Aiako Harria Parke Naturaleko (Gipuzkoa) interes bereziko landare ...

• Anplitude termiko maximoa (egunekoa): 60°C
• Prezipitazioa: 500-1700 mm.
• Idortasuna (Martonne-ren indizea): 13-200.
Datu hauek ikusirik, espezie hau hotzarekiko erresistentea dela baiezta daiteke: loraturik dagoela
minus 7°C jasan ditzake (ekainean). Hala ere honek ez du esan nahi landareak tenperatura horretan lorea
garatu dezakeenik. Ezezaguna da baita ere izoztearen ondoren loreak duen egoera.
Baldintza edafikoak deskribatzerakoan ondorengo ezaugarriak hartu dira kontutan:
• Granulometria: D. cneorum agertzen deneko estazioen arabera, elementu ezberdinen portzentaia
aldakorra dela ikusi da (harea, harritxintxarra, arroka).
• Ur edukia: estazioen ehuneko batek %80 baino ur eduki altuagoa du.
• CO 3 Ca: %0-45 bitartekoa.
• Eferbeszentzia: 0-4 bitartekoa.
• pHa: 4-8 u.
Lurzorua eta mikroklima: eskualde epeletako lurzoruetan agertzen da espezie hau. D. cneoruma
agertu daitekeen ingurune mediterranearrenean, substratu kalkareoan agertzen da (Causses, Var,
Cerdagne) eta ager daitekeen leku meridionalenean berriz, substratu silizeoan agertzen da, ipar latitudean
50°tan, biotopo haretsuetan (AYMONIN, 1958).
Fitozenosiari dagokionez, ondoko landare-komunitateetan ager daiteke espeziea:
• Altitude baxu eta oso altuko belardi eta estepak (batez ere Sesleriarenak).
• Vaccinium, Arctostaphyllos etab.-ek osatutako landak.
• Mendiko larreak, belardi-txilardi-otadi kontinental (Calluna vulgaris, Betula humilis, ...) eta atlantikoak
(Ulex ssp.); heze edo lehorrak.
• Txilardi sekundarioetan agertzen da, Daphne cneorum-Calluna habitatean (MULLER, 2001).
• Baso irekiak: pinudiak (Pinus pinaster, P. sylvestris, P. uncinata, P. cretacea); pinudi-izeidiak;
arraroagoa bada ere alertze-landaketetan; izeidiak; pagadi irekiak.
Honekin guztiarekin, D. cneorum agertzen deneko biotopoa balore klimatiko zein edafiko
bakarrarenpean ez dagoela ondoriozta daiteke. Baldintza edafiko zorrotzak eta hertsiki determinaturiko
ingurune fitozenotikoek ez dute espezie hau faboratzen. Espezie hau bestalde, hostoek itzalpeturiko
guneetatik kanpo, biotopo eguzkitsuetan agertzen da. Landaredia itxia bada ere, bertan mantendu eta
inguratzen duten zurezko zein elementu belarkaren eboluzioaren arabera aurrera egiteko gai da
(AYMONIN, 1958).
Guk AHPNean jasotako datuen arabera, D.cneorum bereziki larre-otadietan ageri da, hots, larre
azidofiloetan aurkitu da orientazio guztietan eta otadiekin erlazionatua, aldapa gutxiko lekuetan.
Daphne cneorumen sortak aztertzeaz gain, bere habitata hobeto ezagutzeko xedez, espeziea
agertzen deneko hiru lokalitateetan estalduren neurketak burutu dira: batetik, espezie beraren estaldura
erlatiboa kalkulatu da eta bestetik, otea (Ulex ssp.), txilarra (Erica ssp.) eta larrearena ere bai. Lokalitate
50