Strolic Furlan 2013 - Circolo AStrofili Talmassons

i Maya, parcè che par ingraciâsi lis divinitâts a rivavin
a fâur sacrificis umans di une barbaritât di no crodi,
tant di gjavâi fûr il cûr di vivis a lis puaris vitimis. Ma
al è pôc di maraveâsi, parcè che inta chei timps là
cerimoniis dal gjenar, che cumò nus fasin sgrisulâ, a
vignivin fatis in dut il mont ancje inta chel plui civilizât.
Lis lôr divinitâts a pretindevin i sacrificis di umans par
podê mandâ indenant il Mont che, in câs diviers, al
sarès colassât a la fin di ogni cicli di calendari par tornâ
a rigjenerâsi.
E alore vino di crodi che ai 21 di Dicembar dal
2012 al finissi dut e fâ di mancul di preparâ il Strolic
pal 2013? Jo par no savê ni lei ni scrivi mi fidarès de
nestre Strolegante che e sa lei e induvinâ l’avignî e se,
come che mi disin, e à lavorât tant di buine uce pal
gnûf Strolic, o podìn durmî cuiets. Mandi e bon 2013.
Beppino Ponte
11
Il calendari dai Maya