Strolic Furlan 2013 - Circolo AStrofili Talmassons

Tu no tu sâs
cemût ch’al spunte un butul
a primavere, e cemût che une rose
a fevele cuntune altre rose
e cemût che un suspîr
al è scoltât da stelis.
E dopo ancjemò il cidin,
e l’inzirli dai pinsîrs,
e dopo nissun pinsîr
te lungje gnot,
ma nome gjonde,
plenece di gjonde
di cjapâ a bracecuel la tiere interie
e di preâ e cjantâ
ma dentri, tal cidin.
Tu non tu sâs cheste voie
di balâ
di bessôl ta gnot
dentri la glesie
tô nâf sul mâr.
E la cuiete da l’anime
di rive jù te profonditât
e sintîti murî
di gjonde
ta gnot.
141
In spiete che al torni un amì