A nanassa - Pane del cielo

Eduardo Scarpetta - ‘A Nanassa -
ATTO SECONDO
Giardino con 4 porte laterali e due in fondo; le porte illuminate a luce elettrica, in
fondo, in mezzo, un puttino con globo in mano, con lampadina accesa. La porta in
fondo a destra è la comune. A sinistra un pianoforte. Sedie e tavolini di giardino.
Lampadaro a luce elettrica al centro.
SCENA PRIMA
All’alzarsi della tela la banda suona di d o . Tutti gl’invitati escono dalla destra a
braccetto passeggiando, poi nel terminare il pezzo di musica, viano per la porta in
fondo a sinistra; esce dalla destra Biase con guantiera di dolci e Salvatore dalla
sinistra correndo, si urtano, indi Carmela e Luisella.
SALVATORE (che si è urtato con Biase): Ma che sì cecato?
BIASE: Io so’ cecato? Tu te mine comme a nu ciuccio.
SALVATORE: Vallà vatté, và fà lo craparo!
BIASE: Salvatò pe tutto stasera te sciacco! (Via.)
SALVATORE: Mò vedimmo chi fa cchiù ampressa!
CARMELA: Salvatò che faje lloco? T’aggio ditto statte fore pe ricevere l’ati invitate
che hanna venì.
SALVATORE: Va bene. ( Via fondo a destra.)
CARMELA: Ah, chella sora mia, me fà proprio avutà lo stommaco, s’è miso a uno
pizzo tutta mpupazzata, e non dice na parola.
LUISELLA: Va bene ch’è piccerella, e se mette scuorno, ma me pare troppo, la
verità.
CARMELA: Ma che piccerella, che scuorno, io quanno tenevo l’età soja, ascevo da
dinto a lo fuoco, me prudeva la capa de na mala manera.
LUISELLA: Che c’entra, tu pò Sì n’ata cosa.
CARMELA: Che saccio, chella non me pare maje sora... ma ched’è stu scuorno. Uh!
Io non aveva nascere dinto a stu paisiello, miezo a sti turze, scuse sà, io non parlo
de te parlo de l’ate. Mamma mia, nisciuno sape accucchià quatti parole pulite,
nisciuno sape leggere, sulo lo Sinneco e 3 consigliere sanno leggere e scrivere nu
poco, ma appena appena quacche cosarella. Ah, me parene mille anne che chella
stupeta de sorema se mmarita, ne voglio fà zumpe.
LUISELLA: Comme! Te ne vaje da ccà?
CARMELA: Se capisce, che voglio murì Luisella mia, me ne vaco a Napule, voglio
vedé facce belle, allegre... ccà stasera l’invitate pe fà troppo li signure, me parene
tanta mazze de scope!
LUISELLA: Haje ragione.
Salvatore e dette, poi Errico, indi Luisella.
SCENA SECONDA
SALVATORE: Il signor Errico Del... fico.
CARMELA: Siente a chill’ato animale! Errico Delfino!
SALVATORE: Ah! Gnorsì... Delfino.
23