A nanassa - Pane del cielo

Eduardo Scarpetta - ‘A Nanassa -
guajo! Comme la combino?
PASQUALE: Guè, Felì staje ccà? Meno male che t’aggio trovato.
FELICE: Guè... è stato lo cielo che t’ha mannato... ch’è succieso?
PASQUALE: Nu guajo!... Io ogge so’ tornato a la casa toja, e aggio trovata a
mogliereta che se steva vestenno pe venì ccà, allora senza perdere tiempo m’aggio
pigliata na carrozzella e so’ corruto a la stazione, me so’ mise dinto a lo treno e te
so’ venuto ad avvisà, aggio fatto buono?
FELICE: Haje fatto buono, ma chella è arrivata primme de te.
PASQUALE: Già sta ccà?... Aggio capito, sarrà partita co lo diretto, io so’ partito co
lo misto.
FELICE: E avimmo fatto stu fritto misto! Comme faccio, comme arreparo?
Compagno, aiutame tu. Ccà si s’appura sta cosa io passo nu guajo cu muglierema,
cu zi zio, cu tutte quante. Ccà non voglia maje lo cielo, stasera se revota la casa,
nce sta pure lo sinneco, li consigliere municipale, addò me vaco a mettere?
PASQUALE: E zitto, calmete, mò vedimmo de truvà nu mezzo. Essa addò sta?
FELICE: Nun lo ssaccio, dice che se sta pulezzanno, se sta levanno la polvere. Nuje
avimma stà sempe nzieme, appena la vedimmo, nce la pigliammo, e nce la
portammo dinto a na cammera, e llà vedimmo comme la putimmo mbruglià, che
scusa putimmo trovà? Chella sape che io stongo a Caserta.
PASQUALE: Trovammo na scusa qualunque.
FELICE: Uh! Mamma mia, ccà nce sta pure lo parrocchiano!
PASQUALE: Pure lo parrucchiano?
FELICE: Io so’ rovinato. Compagno, non me lassà.
PASQUALE: Compagno, non te lasso. ( Viano pel giardino.)
Giulietta, poi Gennarino.
SCENA NONA
GIULIETTA (esce ridendo): Ah, ah, chesta è bella, la guagliona se sta passanno essa
sola a lezione che l’aggio data, comme me sto spassanno. Ma Errico però non lo
veco, forse non sarà venuto ancora.
GENNARINO (uscendo, parla internamente): Ma servitevi, servitevi, senza
complimenti. (Vede Giulietta.) (Eccola qua, quanto è bella!). Signora...
GIULIETTA: Oh, carissimo!
GENNARINO: (Carissimo!). Che ve ne pare di questo paese infelice, di questi
curiosi abitanti?
GIULIETTA: Eppure, io ci sto bene, mi diverto assai! Non c’è la vita di Napoli, si
sa, ma gli abitanti però sono tutte persone simpatiche.
GENNARINO: Veramente?
GIULIETTA: Veramente!
GENNARINO: Allora è una fortuna per noi. (Comme avarria fà pe vedé si tene lo
nievo?...). Che bell’abito che avete, che bella stoffa, veramente di gusto.
GIULIETTA: Vi piace?
GENNARINO: Oh, molto! La vostra sarta forse è Parigina?
GIULIETTA: Sì... Madama Avanz.
GENNARINO: Madama Avanz? È un brutto cognome la verità.
GIULIETTA: E perché?
35