You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Eduardo Scarpetta - ‘A Nanassa -<br />
GIULIETTA: Neh guè! Neh guè!<br />
FELICE: È asciuto stu guaglione de malavita da llà dinto: Neh guè!<br />
GIULIETTA: Chella s’ha portata la vesta mia e comme faccio, chella è la vesta nova<br />
che ajere me consignaje la sarta, io ancora l’aggio pagà, me portaje la nota: 200<br />
lire.<br />
FELICE: Abbiate pazienza D. Giulié.<br />
GIULIETTA: Che pacienzia e pacienzia, la pagate vuje la sarta, eh me pare che sia<br />
regolare.<br />
PASQUALE: È giusto.<br />
FELICE: Va bene, la vado a pagà io, addò abita sta sarta, comme se chiamma?<br />
GIULIETTA: Strada Pace 49. Madama Spinetti.<br />
FELICE: Madama Spinetti? Va bene! Mò aggià avvisà pure la sarta de muglierema.<br />
D. a Giulié, jatevenne, facite ambressa.<br />
GIULIETTA: Me ne vaco? E comme me ne vaco? Sulo co lo suttanino?<br />
FELICE: Ah, già. E comme se fa, comme se fa?<br />
GIULIETTA: Mannaggia a lo mumento che venette cu vuje aieressera, me poteva<br />
rompere na gamma! (Felice spia alla porta di Clementina.) E tutto pe chi? Pe<br />
chill’assassino d’Errico si l’avesse dinto a li mmane, me lo magnarria a morze!<br />
PASQUALE: Chi è quest’Errico, scusate?<br />
GIULIETTA: Nu giovene che faceva ammore cu me, Errico Delfino, ricchissimo, lo<br />
quale me prummettette de me spusà, me facette mille promesse, mille giuramenti e<br />
pò tutto nzieme non se facette vedé cchiù, mbruglione, assassino!...<br />
FELICE: D. a Giulié, aggio pensato na cosa, mò dico a lo guardaporta che chiamasse<br />
na carrozzella e la facesse aspettà abbascio a lo palazzo, vuje scennite, facite aizà lo<br />
mantice e ve ne jate.<br />
GIULIETTA: E io ve faccio pazzo, mio caro; me ne scengo pe li grade de chesta<br />
manera combinata, e se m’incontra qualcheduno, che figura me facite fà.<br />
FELICE: E già, la Marchesa di Castelpichiochiero!<br />
PASQUALE: E dice bene.<br />
FELICE: Mò vide che punio te siente ccà ncoppa.<br />
GIULIETTA: Ma pecché non trovate na scusa, e ne mannate la mogliera vosta pe nu<br />
momento, io me metto na vesta soja e me ne vaco.<br />
FELICE: Ma che scusa trovo, addò la manno, mò s’è ritirata. (Spia alla porta.) Zitto,<br />
sta venenno!<br />
PASQUALE: D. a Giulié, nascondetevi.<br />
GIULIETTA (per andare all’alcova.)<br />
FELICE e PASQUALE (vedendo aprire la porta): No, no! (Pasquale la fa<br />
nascondere seconda porta a diritta.)<br />
FELICE: Ah! Ah!<br />
CLEMENTINA (uscendo): Felì, ch’è stato?<br />
FELICE: Ah! Ah!... Clementì... Clementì... comme me sento brutto... aiutateme... (Si<br />
butta nelle sue braccia.)<br />
CLEMENTINA: Neh, ched’è Felì... che te siente?<br />
FELICE: M’abbaglia la vista, m’avota la capa...<br />
CLEMENTINA: Dottò... Dottò aiutateme, chisto pesa... vedite ched’è... Felì non me<br />
fa mettere paura...<br />
PASQUALE: Aspettate, signora... non vi spaventate... mettetevi da questa parte.<br />
8