tèks la - Potomitan

74
Gwosès ak akouchman
234
fòs kouch
BWOTE
LOPITAL
166
manje ki chaje ak
pwoteyin
Lè w ap bay san nan vajen ou
1. lè gwosès la fèk kòmanse. Si w ap bay ti san nan 3 premye mwa
yo, ou ka pa gen ankenn pwoblèm. Men, si w gen doulè an menm
tan, sa ka vle di gwosès la ap devlope an deyò matris la e sa gen
gwo danje ladan l (gade nan paj 73). Si san an vin pi plis epi fò
pase lè w gen règ ou, ou ka ap fè yon fos kouch.
2. apre twazyèm mwa gwosès la. Si w ap bay san apre 3 premye
mwa yo, sa ka vle di gen pwoblèm nan plasennta a. Ni wou, ni
tibebe a, nou tou le 2 an danje.
Kisa pou w fè:
• Kouri ale nan lopital ki pi pre a.
• Pandan w kouche sou branka a, ou dwe leve pye w anlè.
• Pa foure anyen nan vajen ou.
Lafyèv
Si w gen gwo lafyèv ak frison, ak doulè nan kò w epi gwo mal tèt, ou
ka byen trape yon malarya. Tretman malarya depann de zòn kote w
ap viv la. Pou w jwenn plis enfòmasyon, gade nan liv ki rele “Kote ki
pa gen doktè” a.
Lè men w ak figi w anfle oubyen lè w gen gwo mal
tèt epi w wè twoub (toksemi)
Si janm ou ak je pye w fè yon ti anfle, se yon bagay ki nòmal
pandan yon gwosès. Men si se men w ak figi w ki anfle, sa kapab siy
toksemi, sitou si w gen tèt fè mal, ou wè twoub epi w gen doulè nan
vant ou. Toksemi ka fè w gen kriz epi ni ou menm ni tibebe a ka
mouri.
Kisa pou w fè:
• Fè yon moun pran tansyon w pou wou.
Kouri al wè yon travayè lasante oubyen ale nan yon lopital, si sa nesesè.
• Pran repo chak fwa w kapab, kouche sou bò gòch ou.
• Eseye manje anpil manje ki chaje ak pwoteyin chak jou.
• Prepare w pou w akouche nan yon sant sante oubyen lopital.
Siy danje toksemi
• men ak figi anfle • wè twoub
• gwo mal tèt • tèt vire
• gwo doulè
sanzatann nan bout
anwo lestomak ou
• tansyon w monte 160/
100 oubyen pi wo
ankò (gade paj 528)
BWOTE
LOPITAL
ATANSYON! Si yon fanm gen nenpòt nan siy danje
toksemi yo, li dwe wè doktè touswit. Si l deja kòmanse gen
kriz, gade kisa k dwe fèt nan paj 87.