tèks la - Potomitan

Metòd òmonal
215
Efè segondè nou jwenn trè souvan ak piki konbine yo:
Kòm piki konbine yo fèt ak menm òmòn nou jwenn nan
grenn planin konbine yo, se menm efè segondè yo n ap jwenn ak
tou 2 metòd yo (gade nan paj 209).
Kijan pou n pran piki planin:
Li pi bon pou n pran premye piki a lè n gen règ nou. Konsa, nou konnen nou
pa ansent. Nou ka kòmanse pran piki yo tou, nenpòt lè pandan nou nouris (n
ap bay tete) epi nou poko rekòmanse gen règ nou.
Piki a ap pwoteje n menm lè a kont tout gwosès, si nou pran l tou anvan
6ème jou apre règ nou. Si, apre règ la kòmanse, gen 6 jou oubyen plis ki
pase anvan n pran piki a, fòk nou sèvi ak kapòt oubyen tou fòk nou pa al fè
lanmou pandan 2 semèn.
Gen mak piki nou dwe pran chak mwa. Gen lòt nou dwe pran chak 2 oubyen
3 mwa. Se dapre ki kalite piki n ap pran:
• “Depo Provera”: chak 3 mwa
• “Noristerat”: chak 2 mwa
• “Cyclofem” ak “Mesigyna”: chak mwa
Pa pèdi tan anvan n pran piki yo. Plis nou tann, se plis piki a ap pèdi fòs.
Se Depo Provera w
ap pran. E byen,
fòk ou tounen vin
pran yon lòt piki
nan 3 mwa.
Lè nou vle sispann pran piki planin:
Nou ka kite metòd sa a nenpòt lè. Men lè n sispann pran
piki,li posib pou n pase yon ane oubyen plis, anvan n ansent
epi anvan règ nou vini nòmalman. Men sa ka rive pi vit tou.
Se poutèt sa, si n pa vle fè pitit, fòk nou suiv yon lòt metòd
planin pandan tan sa a.
519
piki planin