tèks la - Potomitan

246
Avòtman
KIJAN POU N KONNEN SI YON AVÒTMAN AP FÈT NAN BON KONDISYON
Li pa toujou fasil pou moun konnen si yon avòtman ap fèt nan bon kondisyon.
Fòk nou eseye vizite chanm kote avòtman an pral fèt la, oubyen tou, nou gen dwa poze
yon moun ki konn kote a deja kesyon sa yo:
• Èske w pa janm pran nouvèl fanm ki malad oubyen ki mouri apre yo te fin fè
yon avòtman kote sa a? Si moun nan reponn wi, chèche yon lòt kote pou n ale.
• Ki moun k ap fè operasyon an? Ki fòmasyon moun sa yo te pran? Doktè, enfimyè,
lòt travayè sante, fanm saj, yo tout gen dwa fè avòtman. Men si moun nan pa gen
ankenn konpetans nan teknik avòtman san danje yo, epi si moun nan pa konn ki jan
pou l anpeche enfeksyon, kapab gen gwo danje.
Avòtman an ap fèt menm jan an tou.
• Èske chanm kote avòtman an ap fèt la pwòp? Eske tout bagay nan plas yo? Si
chanm nan sal epi an dezòd, avòtman an ap fèt, menm jan an tou.
• Èske gen kote pou moun lave men yo? Yon “travayè sante” ki pa gen kote pou l
lave men l paka fè avòtman nan bon kondisyon lijyèn, epi san danje.
• Èske zouti yo sanble ak zouti ki nan paj 244 yo, oubyen èske yo sanble ak zouti
moun itilize lakay yo oubyen vye zouti machòkèt ki fèt lakay? Mòd zouti sa yo
gen dwa blese epi enfekte yon fanm.
• Kijan yo netwaye epi dezenfekte zouti yo? Yo dwe dezenfekte zouti yo nan
dezenfektan ki fò anpil oubyen fòk yo byen bouyi nan dlo, pou jèm mikwòb ki bay
enfeksyon yo ka mouri.