tèks la - Potomitan

518
grenn planin
Grenn planin Gwoup 3 yo ki gen plis pwojestin konn lakòz bouton leve nan
figi fanm. An menm tan, yo konn fè plis plim pouse sou bra medanm yo e menm
moustach sou po bouch yo. Si n gen pwoblèm akòz yon sitiyasyon konsa, pito
nou eseye pran grenn planin ki pa gen anpil pwojestewòn.
Fanm ki kontinye bay san san rete, fanm ki pa wè règ yo, pandan y ap sèvi ak
yon mak nan gwoup 3 a ta dwe pran yon mak ki gen yon ti kras plis estwojèn.
Fanm ki rive ansent malgre y ap pran grenn ta dwe fè menm bagay la tou. Nou
jwenn mòd grennn planin sa yo nan Gwoup 4.
Gwoup 4 - Grenn planin gwo doz.
Grenn planin sa yo gen plis estwojèn (50 mcg. etinil estradyòl). Pi fò ladan yo
gen plis pwojestin tou.
Men kèk mak grenn nou ka jwenn nan famasi:
Eugynon Norlestrin Femenal Minovlar
Ovcon 5.0 Ovral Neogynon Primovlar
Nordiol
Alòske, mak Ovulen ak mak Devulen ap ba nou bon rezilta, si nou kontinye
bay san, malgre n ap sèvi ak yon mak nan Gwoup 4 la. Men grenn planin sa yo
chaje anpil ak estwojèn. Se poutèt sa doktè pa preskri yo anpil fwa. Pafwa, yo
bon anpil pou fanm ki gen gwo akne.
Fanm ki kontinye gen kè plen oswa tou lòt pwoblèm grenn planin lakòz apre 2
oubyen 3 mwa ta dwe eseye sèvi ak grenn planin trifazik yo ki gen ni anpil
estwojèn ni anpil pwojestin. Grenn planin sa yo bon tou pou fanm ki gen plis
chans pou yo bay boul san nan règ. Nou jwenn yo nan Gwoup 1.
Fanm k ap bay tete ak fanm ki pa ka pran grenn planin nòmal yo akòz pwoblèm
maltèt oubyen tansyon ki yon ti jan wo gen dwa pran grenn planin ki gen yon sèl
òmòn: pwojestin. Grenn sa yo, nou jwenn nan Gwoup 5 lan rele “mini pilil”.
Gwoup 5 - Grenn ki gen pwojestin sèlman.
Grenn sa yo tou ki rele tou “mini pilil” gen yon sèl òmòn: pwojestin.
Men kèk mak grenn nou ka jwenn nan famasi:
Femulen Micronovum Microval Microlut
Nor-QD Micronor Ovrette
Nou dwe pran mòd grenn sa yo nan menm lè a, chak jou, menm si nou gen règ.
Anpil fwa, règ la pa vini lè pou l vini. Lè se mòd grenn sa yo n ap pran, n ap gen
plis chans pou n ansent, menm lè se yon sèl grenn nou bliye pran.