tèks la - Potomitan

96
Gwosès ak akouchman
NAN PREMYE SEMÈN APRE AKOUCHMAN
105
alètman matènèl
197
planin familyal
Swen pou yon fanm ki fèk sot fè pitit
Menm jan ak tibebe a, manman an bezwen swen apre akouchman
tou. Souvan, moun yo tèlman okipe ak tibebe a, yo bliye si manman
an bezwen swen tou.
• Pou anpeche enfeksyon, manman an pa dwe fè lanmou, li pa
dwe foure anyen nan vajen li toutotan san an pa sispann koule
nèt.
• Li dwe pran bon
jan repo pandan
6 semèn pou pi
piti.
• Li dwe fè kou l
konnen pou l
rete pwòp. Fòk
li lave vajen.
Fòk tout aparèy
jenital li rete pwòp. Sa
ap bon pou li. Toutan l pa ko
gen yon semèn depi l akouche, li pa
dwe chita nan dlo, lè l ap benyen.
• Yon fanm ki fèk sot akouche bezwen plis manje pase tout lòt lè.
Li gen dwa manje tout kalte manje: pwason, vyann, pwa, sereyal,
legim ak fwi ap ede l refè. Manje sa yo ap ba l enèji pou l ka jwe
wòl li kòm manman.
• Fòk li bwè anpil likid.
• Si l bay tibebe a tete, sètadi, si l pa bay tibebe ankenn lòt lèt, sa ap
anpeche l ansent touswit. Pou yon pwoteksyon total kapital, gade
prensip ki nan paj 218 yo.
• Si l blese nan vajen li, fòk li kenbe blese a pwòp. Li gen dwa tranpe
yon moso twal bouyi nan siwo myèl pou l pase sou blese a. Sa ap fè
l santi l pi byen epi sa ap fè blese a geri pi vit. Si, kèk fwa, blese a
boule l, li gen dwa vide dlo sou vajen an, lè l ap fè pipi.
kote Li dwe netwaye byen netwaye (bouyi ap pi bon) nenpòt ki
renmèd fèy l ap mete sou vajen li. Pa foure ankenn renmèd fèy
andedan vajen an.
• Li dwe kòmanse suiv yon metòd planin familyal, sitou si l deja
bay timoun nan yon lòt manje mete sou lèt ki nan tete l. Nan
enterè pwòp sante l, fòk li deja kòmanse ak metòd planin nan,
depi anvan li rekòmanse fè lanmou. Si se pa sa, li ka ansent twò
bonè.