tèks la - Potomitan

76
Gwosès ak akouchman
Swen
prenatal
(konsiltasyon
pandan yon
gwosès)
Ø Al fè konsiltasyon
ap ede w wè kijan l
ap pi bon pou w
akouche: lakay ou,
nan yon sant sante
oubyen nan yon
lopital.
Swen prenatal enpòtan anpil. Sa pèmèt yo dekouvri pwoblèm epi
regle yo bonè anvan yo vin twò grav. Li pa difisil pou yo bay swen
prenatal e yo pa bezwen aparèy ki koute gwo lajan pou sa. Anpil
matwòn, fanm saj, sant sante tankou lopital bay swen prenatal. Ak
swen prenatal, yo ka sove lavi anpil moun.
Si w ansent, eseye fè 3 konsiltasyon jeneral pou pi piti:
1. Lè w kòmanse kwè w ansent.
2. Bò zòn sizyèm mwa gwosès la.
3. Yon mwa anvan akouchman an.
Yon fanm saj, yon matwòn, oubyen yon travayè sante ap poze w
kesyon sou lòt eksperyans gwosès ak akouchman ou te fè anvan. Y
ap poze w kesyon sou pwoblèm ou ka te rankontre, paregzanp: èske
w konn gen emoraji? Èske w pèdi timoun deja nan akouchman?
Enfòmasyon sa yo enpòtan. Sa ap fè ni ou menm, ni travayè sante a
pare pou kalte pwoblèm sa yo, si malerezman yo ta prezante nan
gwosès sa a ansanm ak nan akouchman an. Yon fanm saj ap kapab:
• kontwole kalte manje yon fanm ansent manje epi ede l manje pi
byen, si sa nesesè.
• ba li grenn fè ak asid folik an konprime pou ede l fè prevansyon
kont anemi.
• egzamine manman an pou l kontwole sante l epi gade si tibebe a
ap devlope nòmalman.
• bay manman an vaksen tetanos. Maladi sa a ka touye ni manman
an, ni pitit la. (Gade nan paj 161)
• bay fanm ansent nan medikaman pou fè prevansyon kont malarya,
si gen epidemi malarya nan rejyon an.
• fè manman an fè tès VIH (gade nan paj 288) ak tès sifilis ansanm
ak tès lòt maladi seksyèlman transmisib (gade nan paj 261).
Kisa w ka jwenn, lè w al nan swen prenatal
Nan yon seyans swen prenatal, yon matwòn oubyen yon fanm saj dwe:
• egzamine pòpyè je fanm
nan ak zong li pou l
chèche siy anemi (gade
nan paj 172)
• Gade si men l ak figi l pa
anfle (Gade nan paj 74)
• Tyeke kijan tibebe a ap grandi nan matris la.
Nòmalman, fòk matris la vin pi gwo lajè 2
dwèt chak mwa. Sou 4 mwa edmi, li rive
nòmalman nan wotè lonbrik la. Si matris la
sanble l twò piti osinon twò gwo, oubyen si l
gwosi twò vit, sa kapab vle di genyen yon
pwoblèm.
• Tyeke tansyon
fanm nan (gade
lan paj 528)
9 mwa
8 mwa
7 mwa
6 mwa
5 mwa
4 mwa
3 mwa