tèks la - Potomitan

210
Planin familyal
Ø Si pandan n ap
pran grenn nan, yo
preskri n yon lòt
medikaman, fòk nou
mande travayè lasante
a, si l pa ta bon pou n
sèvi ak youn nan metòd
baryè yo tou. Oubyen
pou n ta sispann fè
bagay, pandan n ap
pran medikaman an.
Antibyotik ansanm ak
kèk lòt medikaman ka
fè grenn nan pa bay
twòp bon rezilta.
Siy k ap montre nou gen pwoblèm ak grenn konbine yo:
SISPANN pran grenn nan epi kouri al wè yon
travayè lasante si nou:
• gen gwo maltèt epi si nou wè twoub (migrèn), lè n fèk
kòmanse pran grenn nan.
• santi feblès oubyen angoudisman nan bra nou oubyen
nan janm nou.
• santi gwo doulè nan pwatrin nou epi si souf nou kout.
• gen gwo doulè nan yon janm.
Si n gen nenpòt nan pwoblèm sa yo, li ka danjere pou nou si n
ansent. Toutotan nou poko al wè travayè lasante ki gen bon jan
fòmasyon ak eksperyans nan metòd planin òmonal yo, fòk nou sèvi
ak yon lòt metòd planin tankou kapòt.
Kijan pou n pran grenn konbine yo:
Bwat grenn yo gen oubyen 21 oubyen 28 grenn.
Si se yon bwat 28 grenn nou genyen, se pou n bwè
yon grenn chak jou nan mwa a. Kou bwat la fini,
se pou n ouvri yon lòt bwat.
Paket Grenn
pou 28 jou
Paket Grenn
pou 21 jou
Si nou genyen yon bwat-21 grenn nou dwe
bwè yon grenn chak jou, pandan 21 jou.
Apre sa, se pou n tann 7 jou anvan n ouvri
yon lòt bwat. Règ nou ap vini pandan tan
sa a. Apre 7 jou yo, fòk nou rekòmanse
bwè grenn yo, menm si n pa wè règ nou.
Kit n ap sèvi ak bwat 21, kit n ap sèvi ak bwat 28, se pou n bwè premye
grenn nan, premye jou règ nou. Konsa, y ap anpeche nou ansent touswit. Si
premye jou a deja pase, nou ka bwè premye grenn nan nan youn nan 7 premye
jou apre règ la. Men lè sa a, n ap toujou sèvi ak yon lòt metòd planin oubyen
fòk nou sispann fè lanmou pandan 12 premye semèn n ap pran grenn yo.
Nou dwe bwè yon grenn chak jou, menm lè nou pa fè lanmou. Bwè grenn
nan menm lè a, chak jou. Pa bliye: si se yon lendi nou ouvri premye bwat
grenn nan, se yon lendi tou n ap ouvri tout lòt bwat yo, si se madi, menm
bagay, si se mèkredi, menm bagay... Enfòmasyon sa a ka ede n kontwole si n
sote jou ak si n pa sote jou.