tèks la - Potomitan

Kijan pou n jwenn soulajman
275
Lè n gen yon MST, fòk nou pran medikaman nou wè nan chapit
sa a konseye n pran yo pou n ka jwenn gerizon. Men annatandan,
pou n ka jwenn yon ti soulajman ak anmèdman MST a ap ban
nou:
1. 2 fwa pa jou, se pou n fè 15
minit chita nan yon kivèt dlo
tyèd. Kontinye fè remèd la
jiskaske n jwenn yon ti
soulajman. Si n panse nou gen
chanpiyon, nou gen dwa pire
sitwon oubyen tou nou gen dwa
mete vinèg, yogout oubyen lèt
kaye nan kivèt dlo tyèd la.
Kijan pou n
jwenn
soulajman
2. Fòk nou pa rekòmanse
kouche ak gason, toutotan n
pa ko santi n refè.
3. Se pou n fè yon jan pou n
toujou mete kilòt koton sou
nou. Sa ap pèmèt pati entim
nou pran van e konsa, gerizon
an ap vin pi vit.
4. Se pou n lave kilòt nou chak
jou epi se pou n mete yo seche
nan solèy. Solèy la ka touye
jèm mikwòb ki bay
enfeksyon.
5. Lè n gen doulè, nou gen dwa
pran yon medikaman ki pa twò
fò.
6. Si n gen ilsè (maleng) nan
pati entim nou epi nou gen
gwo doulè, lè n ap pipi, se
pou n vide dlo pwòp sou
vajen nou, chak fwa n ap
pipi. Oubyen tou, se pou
n toujou chita nan yon
kivèt dlo fre, lè n ap
pipi.
482
medikaman pou doulè