Shkarko - Gjykata Kushtetuese

VI Njësia e Teknologjisë së Informacionit dhe Multimedieve
(NJTIKM)
NJTIKM është përgjegjëse për funksionimin e infrastrukturës së TI-së dhe multimedieve dhe
për ofrimin e shërbimeve të TI-së dhe multimedieve. Gjatë vitit 2011, NJTIKM realizoi
projekte të rëndësishme sipas planit strategjik të Gjykatës Kushtetuese.
Projektet e realizuara nga NJTIKM:
• Digjitalizimi i Gjykatës Kushtetuese;
• Faza e parë (projektimi dhe kompletimi i infrastrukturës së dhomës së serverëve me
standardet e reja të TI-së);
• Faza e dytë (furnizimi, instalimi dhe virtualizimi i serverëve);
• Krijimi i nëndomenit të veçantë të Gjykatës Kushtetuese përbrenda domenit
shtetëror dhe zhvendosja e të gjitha llogarive të shfrytëzuesve nga domeni shtetëror
në serverët e Gjykatës Kushtetuese;
• Krijimi i kushteve për zhvillimin e projektit të sistemit për menaxhimin e lëndëve
(CDMS) të Gjykatës Kushtetuese, në bashkëpunim me donatorët nga Instituti për
Menaxhim Lindje-Perëndim (EWMI), dhe instalimi i CDMS-it në kompjuterët e
punonjësve të GJKK-së;
• Zëvendësimi i sistemit operativ XP me sistemin operativ Windows 7 në të gjithë
kompjuterët e GJKK-së;
• Kablloimi strukturor i rrjetit të kompjuterëve, të telefonisë dhe të sistemit të alarmit
në kontejnerët-zyra.
Sfidat kryesore me të cilat NJTIKM ballafaqohej ishin:
• Realizimi i segmenteve të caktuara nga plani i punës;
• Avancimi i vazhdueshëm i shërbimeve të TI-së në Gjykatën Kushtetuese të Kosovës;
• Përgatitja e procedurave dhe rregullave të brendshme për përdorimin e pajisjeve të
TI-së.
37